هلت تباشير الفرح

هلت تباشير الفرح وانجلى الهم=وانزاح كابوس الفراق وطواريه
والتم شمل(ن)كان لابد يلتم=اخلافنا وان طال يومين تكفيه
يامرحبا باللي على العهد مقسم=مايسمع العذال واهل المشاريه
وانا وعدته والوعد دين ملزم=لبحر معه من حيث تبحر سواريه
نوره سطع في واقع(ن)كان مظلم=طلت حبيبي بدر تضوي لياليه
يافرحة القلب الجريح المتيم=اليوم راجع له طبيبه يداويه
الغيث يحيي له هشيم (ن) محطم=وشوفة حبيبي غيث قلبي وساقيه
حنا صبرنا واخر الصبر مغنم=والصبر مثل الدرع امانٍ للراعيه
اقبل ياسيد الحسن انا فيك مغرم=وخل العذول يموت من حر مافيه
جسر الوصل ساسه ترى ماتهدم=اعتى عواصيف الدهر ماتعريه
مادام انا واياه بالحب ننعم=ماتهدم العذال نرجع ونبنيه
غرد يابلبل لحنك اللي مقسم=اصدق لحون الحب لحنٍ تغنيه
يرقص له احساسي على كل سلم=يمكن لقى فالحن حس(ن)يحاليه
هلت وسوم الخير والجو مفعم=عطر الخزامى من بشاير حراويه

محمدسعدالعتيبي

عبدالله الصقري ,صـدووودٓ ,* رؤى * و 10 آخرون معجبون بهذا

الشاعره دموع ,الشموووخ ,ابوخليل ,روابي ,ريوف ,عزاام ,المصممه الوايليه ,نايف خويتم ,الملكة ,محمد الغنامي

مادام انا واياه بالحب ننعم
ماتهدم العذال نرجع ونبنيه

صح لسانك وبيض الله وجهك ثم صح لسانك حتى ترضى قصيده جزله من جزل احترامي أمير ’

ارحب تراحيب الغيث يابو سعد
ومن طول الغيبات جاد الغنائم و يالها من غنيمة
جزلة من راس جزل
صح لسانك و علا شأنك
حماك الله
ورعاك
و أبقاك



تقديري و تقييمي و نجومي لسموك

محمد سعد
صح لسانك مليون
مبدع وممتع شاعرنا
نص فاخر وفخم وعذب
سجل مروري وتقديري
ولك اجمل تحيه

الله عليك محمد
صح لسانك ولا هنت الله يعطيك العافية
.

صح لسانك ملايين يامحمد
ابيات جزله وكلها فخامه
يعطيك العافيه
تقبل مروري واحترامي

صح الله لسانك يا محمد مبدع نص جميل جدا يستحق وقاف جميل لا هنت

صح لسانك واعتلى شانك

أبيات رائعه `