ملامِحْك لوْتمْحَى! صدَى الصّوت من يمْحِيه!!

قد نستطيع نسيان ملامح اشخاص مروا بنا في حياتنا.. وجمعتنا بهم السنين
او قد يمحي الزمن بعض ملامحهم من مخيلتنا...
ولكن..
من يمحي صدى اصواتهم !!!
التي لو سمعنا اصوات تشبهها نفز مسرعين للتأكد.. حتى لو كان الامل برؤيتهم ضئيييل جدا..
إليكم جديدي..
ارجوا ان يلامس ذائقتكم..

ملامِحْك لوْتمْحَى!

ملامِحْك لوْتمْحَى! صدَى الصّوت من يمْحِيه=يهيّض شجُونِي وآاااتصبّر على أوْجاَعِي
وتلْحَق عُيُونِِي مصْدِره لين مَااا تلْفِيه=آصدّق ظُنُونِي لوْ تِكذّبْنِي أسْماَعِي
تلوّح بِيَ الذّكْرى على كيف ماتَبْغِيه=كَماَ الرّيح لاهبّت لها الغُصن طوّاعِي
دَفنْت االحَنين اللّي رَحَل والعُمر يرْثِيه=تضِيع أمْنِيَاتِي والأَمل فِيه مَاضَاعي
وعِفْت الهوى من بعْد مقْفَى الذّي نِغْلِيه=توارت طيوفه وآصْبح القلْب ملْتَاعِي
ولجْل الليال اللّي مِضَت آدْمِعه وابْكِيه=تلاَزمْني العَبْرَه من أسباب الأفْجَاعِي
خسرْته.. وقلْبي بعد مافاَرقه يرْجِيه=تذَكّر هَواه اللّي نِشَا بين الاضْلاَعِي
وآنا مابقَى لِي كُود ليل العَنا ..بأسْرِيه=آسَامر نُجومه واكْثر النّاس هجّاعِي
تِأرّق أحاَسِيس الْغَلا نَبْرة(ن) تِطْرِيه=تغمض عيوني وآاانا من ضِيقتِي وَاااعِي
وتَرْسِي بوَاخير المحبّه على شَاطِيه=تفرّغ مشاعِرْها وترْجَع بالأصْدَاعي
آشِيد بخصاله والشّعِر فِيه ماَيكْفِيه=وتَاتِي تَلاااحِينه ..على كُلّ الاسْنَاعِي
تلِاَمِس خُفوقِي لهْفَة الشّوق تستدْعِيه=تقوّله ترَى عُقبك تدَانَت بِي اوْضَاعِي
ولوْجيت آبطْلع من ضجيج الفِكْر وآنْسِيه=آنا من غرَامه ياهلي..صعْب مِطْلاااعِي!

؛

؛
ريوف

الله الله
ريوووف
صح لسانك مليون ولا يسدون
نص فاخر وجزل وعذب لا أبعد الحدود
سجلي اعجابي وتقديري
ولك ختم التميز
والتقييم

أقف عاجزتاً لتعبير عن هذه القصيدهـ..

الرائعه .. فهنيئاً لنا بصاحبة هذا القلم..

الرائع .. فمرحباً بكـِ وبقلمكـِ الذهبي..

تقبلي مروري ..

دُمتي بود.

آلله آلله
ياسلام عليك وصح الله لسانك شاعرتنا
كايفه ونايفه وجزله ولانستغرب الابدآع والامتاع والجزاله
دمتي ودام مداد قلمك ورقي حرفك الفاخر
تقديري لسموك
النجلاء

راااااااااائعه
صح لسااانك ياريوف
تقبلي مروري وتحياتي

ريوف
صح السانك وسلم بنااانك
قصيده قمة الروووعه وجزله وانت شاعر متمكن
ولديك القدره على اختيار المفردات الرائعه
لاهنت على هذه القصيده وفالك ختم التميز
لك ودي وحترامي

دخول خاص لعيون الغاليه ريوف حياك الله في المنتدى ونورتي يالغاليه فديتك ~
وصح الله لسانك يالغلا ~
قصيده رائعه وجزله من شاعره مبدعه ~
ودمتي بألف عافيه ~
ودي وتقديري لك ويسعدني استجابتك لدعوتي يالغلا~
وان تحسنت ظروفي بتواجد ان شاء الله يالغلا ~
ودي وتقديري للجميع ~

صح لسانك وسلم منطوقك شاعره مبدعه وجزله
استمتعت بتواجدي بمتصفحك
دمتي بخير وسعاده دائمه