الله يصبرني ويدمح زلتي والله يعين

الله يصبرني ويدمح زلتي والله يعين=== وجهٍ من غبار السنين العوج والحزن اكتسا



ياوجد حالي من عنى قلبي ودورات السنين=== لاجيت بنسى ضيقةٍ فالصدر قلبي مانسى



ويامل قلبٍ له سنه مابين زين وبين شين ===اصبـِح وانا طيّب واشوف الموت لاحل المسا



لي فكر متشتت ولي قلبٍ من اللوعه حزين=== كله من اسباب الجفا والبعد وجروح الأسا



على الهنوف اللي غلاها بين قلب وبين عين=== اللي غلاها بان فعيوني وفي قلبي رسا



اجي لها يومين واليومين كنها ساعتين ===واروح عنها والطواري بين عل وياعسا



وايدي على الجوال قبل يدق واسمع له رنين=== كني مواعد لي جموع شيوخ وجموع اريسا



ولا كلّمتني من حرارة صوتها اتوه لين ===اروي ضما سمعي ويدفا السمع لامنه احتسا



والى طرت لي والهموم افواج جريت الونين=== والى تذكرت الطريق الصعب غنيت يخسا



اشغـّل الفكسار دون شعور ويحذِف ميــّتين=== ولا أحس إلا بدون شعور قد طفت الحسا



لاتسألوني وين خلوني كذا من دون وين === قلبي دليلي لو يطول الدرب ويطول القسا



وان كان شفتوني حزين وحافظ السر الدفين === خايف لجي منّي وكيفي علك فحلوق انجسا



به حاجتين الناس تكرها مع انها حاجتين=== الموت من ضيم الدهر والموت من كيد النسا


الشاعر سالم بن جخير >> كيد النسا

الله الله على اختيارك
كلمات جميله واداء متميز
طرح جميل بجمال حضورك

يعطيك العافية

أهلا الملكه طلتك الاجمل دمتي بحفظ الرحمن

هلا بك اخوي عآشق الريآض

نوررت القسم

ويعطيك العافيه على الشيله الرائعه

وتسلم يمينك ويسلم ذوقك

هلا خيتوه النور نورك الله يديم عزك

عاشق الرياض
سلمت ييداك ودام عطاك السخي
طرح مميز وجميل جدا كماعهدناك
اعجابي وتقديري الابدي
مع الشكر والتقدير

ياهلا والله ياعاشق الرياض
الحمد لله ع السلامه واخر الغيبات ان شاء الله
ويسلم ذوقك الراقي ياذوق
تقديري لك
النجلاء

مِّحَّمِّدٍّ آلِّغَّنِّآمِّيِّ

آلَنّـــــــــجَلَآء

اّلّلّهّ يّسّلّمّكّمّ وّيّحّفّظّكّمّ وّيّحّقّقّ كّلّ اّمّنّيّكّمّ اّدّاّمّ اّلّلّهّ عّزّكّمّ وّنّبّّضّ قّلّوّبّكّمّ اّلّطّيّبّهّ