شهر الصيام

يوم الاثنين القادم اظنه اصيام=نبى انتحرّا ليلته للهلالي
شهر الفضايل خامس اركان الاسلام=تواكب افراحه صدور الرجالي
الله فرض صومه على المسلم اكرام=وخلاّه من فوق الشهور امتعالي
اوّله رحمه ووسطه تغفر اثام=والعتق بمر الله من النارتالي
احلا الليالي كلها واحلا الايام=بقدومه الطاروق دوب استوالي
تاسع شهر فالعام وفضل شهر عام=ارسل تباريكه إلى كل غالي
تحمل تهانينا ذعاذيع الانسام=برادنفحاتة نسيم الشمالي
العود عانقها تفاريد واكوام=يرافقه مصنوع دم الغزالي
للطيبين اتمدها كف ضرغام=تمطرعليهم مثل وبل الخيالي
تقديرهم فالصدر غالين وحشام=اقدّر الاقصى سوات الموالي
يالله لعل المسك لعمالنا اختام=وجنات عدن وسلسبيلاً زلالي
خلقتنا من طين يدعس بالاقدام=ولرضاك نسهر مانبات الليالي
نحرص على طاعتك صيّام قيّام=نرجي لعفوك في نهار السوالي
للتف من فوق الجسد قطعة الخام=وارواحنا تصعد لرب الجلالي
كل اللذي فوق البسيطه للعدام=والدايم الله والخلايق زوالي
تغانمو ذكر الله اطوال وقزام=كف الحرام وبادرو للحلالي
يوم البعث مافيه صدقان واخصام=كلٍ يقول انا لحالي لحالي
مثلك انا محتاج ابي خير وانعام=مقدر اعين ابوي واعطي خوالي

الله عليك الطير
صح لسانك ولا هنت شاعرنا بيض الله وجهك
وكل عام وانت والجميع بالف خير وشهر مبارك

صحَ لسَانك وبيض الله وجهكَ
أحترام يِ يالامير ,,
وكل عام وانت والجميع بالف خير وشهر مبارك

صح لسانك مبدع يابو ساره والله يعينا على صيامه وقيامه
وكل عام وانت بخير

صحت السنتكم جميع

سعدت بمروركم الجميل واطرآئكم الراقي وكل عام وانتم بخير

اللهم بلغنا شهر رمضان واعنا على صيامه وقيامه
الطير صح لسانك مدد بلا عدد يامبدع
تحياااتي الك

صح الله لسانك ملايين يالطير
ومبارك علينا وعليكم قدوم شهر الخير وجعلنا الله من صوامه وقوامه وعتقائه من النار ان شاء الله
نص جزل وفاخر وشهادتي فيك مجروحه شاعرنا
تقديري وتقييمي لسموك
النجلاء

صح لسانك وسلم منطوقك شاعر مبدع وجزل
استمتعت بتواجدي بمتصفحك
وكل عام وانت بخير
دمت بخير وسعاده دائمه