يا بادي الرجم

السلام عليكم ورحمة الله وبركاته
مساء الخير . وطابت اوقاتكم جميعا بالخير والمسرات
اسعدني وشرفني تواجدي بينكم في هذا المنتدى الراقي والجميل
وهاذي مشاركه متواضعه آملاً ان تنال رضاكم واستحسانكم

يالعين تكفين هلي دمعـــةٍ زرقــــا=على عشيرٍ قريب وشوفه شفاقــه

بغى يصير أجتماع وحلّت الفـرقــــا=وهاذي سوات الليال الســود فراقه

يازين مــالك حلي بروق مــع برقـــا=كل الغنـــاديـر غيرك مالهن فاقــــه

سبحان من حط فيك عن البني فرقا=يابو ثمانٍ ســـوات اللـــول براقـــه

عليكم العي واجــاب نايح الــورقـــا=بيني وبين الحمام النايح عـــلاقـــه

يابــادي الرجم حــوّل خلني برقـــا=رجلي على بديت المرقاب مشتاقه

سبة غــزالٍ سرقني بالهوى سرقـا=لين ان قلبي ركبه ضيـار وعشـاقـــه

يمتــــه كانت جنـــوب ويمتي شرقــا=مار اعترضني كذا من الباب لـ الطاقه

وآقلبي اللي على البدو انحرق حرقا=لوكان مــالي جمل معهم ولا نـاقـــه

عايض العتيبي

الله الله صح لسانك يا عائض واعتلا شانك~
ابيات في قمة الروعه. والجزاله والابداع ~
راقت لي كثيراً ~
ودي وتقديري لبوحك العذب ~

وعليكم السلام
ياهلا والله ياعايض
صح الله لسانك مليون ولا يكفون
ابدعت وامتعت لانستغرب من شاعرنا الابدآع والامتاع وفخامة الحضور
دمت ودام مداد قلمك ورقي حرفك الفاخر
تقديري لسموك
النجلاء

ابيات رائعه ومميزه

عايض العتيبي

مشكور على مشاركتك الروعة

الله يوفقك

اقتباس:

المشاركة الأصلية كتبت بواسطة غزلان

الله الله صح لسانك يا عائض واعتلا شانك~
ابيات في قمة الروعه. والجزاله والابداع ~
راقت لي كثيراً ~
ودي وتقديري لبوحك العذب ~

صح بدنك ومشكوره على الاطراء
اسعدني وشرفني مرورك لاهنتي
تحياتي لك

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

اقتباس:

المشاركة الأصلية كتبت بواسطة النجلاء

وعليكم السلام
ياهلا والله ياعايض
صح الله لسانك مليون ولا يكفون
ابدعت وامتعت لانستغرب من شاعرنا الابدآع والامتاع وفخامة الحضور
دمت ودام مداد قلمك ورقي حرفك الفاخر
تقديري لسموك
النجلاء

صح بدنك ي غاليه
ومشكوره على الاطراء وعلى تنسيق المشاركه
وعلى مرورك المشرف لاهنتي
تحياتي وتقدري لك

انا جيت ابا اتعلم البرمجه فالجهاز وخربته معاد ينسق ههههههه
مغار كود اوديه بكره اسوي له اعادة برمجه

اقتباس:

المشاركة الأصلية كتبت بواسطة روابي

ابيات رائعه ومميزه

عايض العتيبي

مشكور على مشاركتك الروعة

الله يوفقك

مشكوره ي غاليه على الاطراء وداعواتك الطيبه
اسعدني وشرفني مرورك العطر لاهنتي
تحيااتي وتقديري لك