شكر وثنا

مني تحيه طيب من قلب ولسان=وشكر وثنا يكتب ويقرا ويسمع
لجيوشنا الواافين في كل ميداان=كل ابلجن سيفه بيمناااه يلمع
والحوثي اللي يتبع اذناب ايران=خايب عميل الفرس يخسي ويقطع
اصبح بعد عزه ذليلن ومنهان=غصبن عليه يصير طايع ويركع
غدوا به اللي ساعة الريب شجعان=كتايبن بالحرب تهزع وترزع
ترد المناايا كن بها سكر وجنان=لي من غدت مابين مقتل ومصرع
دون الوطن تقدم علي الموت عزران=في الجو طيااره وفي الارض مدفع
ما ضمت الا كل شاجع وبطران=نواادرن للعز تكفخ وتشلع
والله يديم العز في ظل سلمان=ويبقي العلم مرفوع والنور يسطع

حمد بن سايمه

الله الله
حمد بن سايمه
صح لسانك مليون
نص فاخر وجزل من شاعر جزل
يستاهلون البواسل المديح
لاهنت شاعرنا
نص يستحق ختم التميز

والله يــديـــم الـــعـــز فــــــي ظــــــل ســلــمــان

ويـبـقـي الـعـلــم مــرفــوع والــنــور يـسـطــع

اللهم امين والله يحفظ مملكتنا الغاليه وجيوشنا الابطال ان شاء الله

حمد

صح الله لسانك ملايين

كفيت وفيت وبيض الله وجهك على هالرائعه يالجزل

دمت ودام مداد قلمك ورقي حرفك

تقديري لك

النجلاء

الله يحفظ مملكتنا ويحفظ نجران واهله
وينصر ابطالنا ويثبت خطاهم ويحفظهم يارب
حمد بن سايمه
صح لسانك ملايين يالذيب
ابيات جزله وجميله المعاني
مبدع موغريبه عليك الابداع والجزاله
يعطيك العافيه اخوي
لك اجمل التحايا

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

صح لسانك وسلم منطوقك شاعرنا مبدع وجزل
استمتعت بتواجدي بمتصفحك
دمت بخير وسعاده دائمه

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي