مسراح الذلول

اشهد ان الصدر ضايق ولا حولي طرب=بيني وبيني الوناسات مسراح الذلول

كني لحالي وانا عايشن بين لعرب=اهرج لنفسي ومن شافني قال مهبول

مثل من هو عن دياره تجلوي واغترب=عايشن من بين لاجناب والقلب معلول

والبلا والموت في اللي بعيدن ماقرب =صاحبن من بدة الناس له عندي قبول

يالغزال اللي من اهل القنص ذار وهرب=فيك حسنن يذهل النفس ويهول العقول

شوفتك تبعد عنا الروح وتزيل الكرب =وكل هم بطلتك من معاليقي يزول

اشهد ان الوضع صوبك تغير واظطرب =دوون وصلك يزمي الموج وتصك القفول

بس مهما الحال من بيني وبينك خرب=ولو علي لامااك تهنا وضيعنا الحلول

والله ان ما غير حبك بمعلوقي ضرب=هو لحاله ممتلك خافقي عرضن وطول

والله اني ما اتركك لو حربني من حرب=فيه ما اسمع قول حااسد ولاهرجة عذول

حمد بن سايمه

القدير

حمد بن سايمه

صح الله السانك واعلى شانك
قصيده جزله من راس جزل يستحق الاعجاب
تقبل الورد
سامي احمد

صح الله لسانك ياراعي الجزله
ابدعت وامتعت ولا نستغرب من سموك الابداع والامتاع وفخامة الحضور
دمت ودام مداد قلمك ورقي حرفك الفاخر
تقديري وتقييمي
النجلاء

حمد بن سايمه
صح لسانك مليون ولا يسدون
نص فاخر وجزل من شاعر الجزله
سجل مروري واعجابي
ولك اجمل تحيه

حمد بن سايمه
صح لسانك مليون
نص فاخر ومميّز دمت بهذا التميّز

ودمت بخير وسعاده

حمد بن سايمه
صح لسانك واعتلا شانك يالجزل
ابيات جزله وجميله
يعطيك الف عافيه
تقبل مروري واحترامي

اشكر الجميع علی مروركم الطيب وصح الله ابدانكم وعسی الله يجملني معكم وتقبلوا تحياتي وتقديري

اشكر الجميع علي مروركم الطيب وصح الله ابدانكم وعسي الله يجملني معكم وتقبلوا تحياتي وتقديري