اسال خيالي

السلام عليكم ورحمة الله وبركاته

للجميع خالص الود

+

البارحه عقلي سـرح بـي ثوانـي=جتني هواجس ضيقت صدري سنين
كاتم مشاعر من حبيـب ٍ كوانـي=اسأل خيالي من يجاوبني الحيـن؟
الناس فرحانه وانـا فـي مكانـي=ساكت واقاسي في حياتي عذابيـن
دنيا غريبـه وانشغلـت بزمانـي=جالس معاهم والفكر مبعـد ٍ ويـن
بالامس كنت اللي يـروم الامانـي=واليوم ارجي ما رجـوه المحبيـن
هذي تجاعيـدي توضـح معانـي=ضايق فؤادي كيف ماتلوح وتبيـن
ان قال تايـه ينكسـر لـه كيانـي=وان كان ما يدري عسى ربي يعين
ان كان يدري كيف سهمه رمانـي=ومن الهوى والضيم ضاعوا ملايين

سامي احمد الدحيلان

سامي احمد
صح لسانك وسلم احساسك العذب
ابيات كلها فخامه وجمال
مميز ومبدع كعادتك
يعطيك العافيه
تقبلي مروري واعجابي
دمت بسعاده دائمه

الله الله
صح لسانك واعتلا شانك يابو احمد
جزل ومبدع ولا فيك حيله
مروري يسبقه اعجابي وتقديري
لاهنت

صح الله لسانك ياسامي
ابدعت وامتعت بهذه الرائعه
دمت ودام مداد قلمك ورقي حرفك الفاخر
تقديري لك
النجلاء

ياسلام عليك بيات جميلة استوقفتني لجمال مضمونها
وجمال اختيار الفاضها دام احساسك وصح السانك اسعدني المرور من هنا

الله الله عليك ي ابو احمد صح لسانك واعتلا شانك ؛ ابيات في قمه الروعه والجزاله ،، ودي وتقديري لك

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

ابيات

رائعه جداً ومميزه



سامي احمد

مشكور على الاختيار