زين الطبوع

17-08-2015, 06:20 PM

مهما يطول البعد ويطول السفر
لا بد من لحظة لقي تبري الوجوع

وانا انتظرته لين جزت من الصبر
باح الخفي والموق جف من الدموع

مليت من دمعي وحزني والسهر
الي متي وانا انتظر وقت الرجووع

يا صاحبي وان كان لي عندك قدر
قلي وش اسباب التجافي يالقطوع

وارحم عيونن دوم في حزن وسهر
واشفق علي قلبن وري حدب الضلوع

فرقاك شبت بالحشا نار وجمر
كم يوم مر وكم ويآكم من اسبوع

وكم من سنه عدت وياكم من شهر
يا اول غرام القلب يا زين الطبوع

يا انعم جسد ياشبه وضاااح القمر
يا ام الترف والحسن يا الظبي الجزوع

في شوفتك غيم وهماليل ومطر
وعز الله ان فرقاك طاريها يروع

ان كان طول غيابكم صد وهجر
ما نطرد المقفي تري فينا طبووع

رح في طريقك يا عسي دربك خضر
ما فيك لي قسمه وانا رجلن قنوع

وان كان حدتك الليالي والدهر
حن بانتظارك غير عجل بالرجووع
حمد بن سايمه