قنيب الذيب

السلام عليكم ورحمة الله وبركاته

كيبورديه سريعه أمل ان تقبولنها بمافيها

والعذر والسموحه في القصور

انا بصدري ضيقةٍ ماهيب من وقت قريب=ألها معي فوق السنه بين الضلوع اشيلها
من جورها لو ابدي المرقاب ثم اقنب قنيب=قنيب ذيبٍ كل من حوله يبا يصحيلها
الجوع حده من جهه والجرح في ساقه عطيب=والبدو تحرس ضينها في كل صبح وليلها
من سبة اللي حبها بين الضلوع امره غريب=يصبح من تصيبه رموش عيونها قتيلها
العين خرسا والحجاج هلال والمبسم عجيب=اصغر من الخاتم ووجنتها بدر ياحليلها
وجديلها لاطوحت به عن مناكبها سبيب=صفرا عقيدٍ قدم جيش القوم هي وخيلها
والصدر لو اوصفه مافيه فالتوصيف عيب=لاكن ابا اقصرها واخير القصر من تطويلها
هذي هي اللي جرحها والله ليبطي مايطيب=ياويلها يوم الحساب من الولي ياويلها
تسبي وتذبح فالعرب بلا حسيب ولا رقيب=بس الغريب ان دبرت ليه العرب تومي لها

والصـدر لـو اوصفـه مافيـه فالتوصـيـف عـيـب

لاكن ابا اقصرهـا واخيـر القصـر مـن تطويلهـا

هيضتنا يامحمد بالوصف الراهي

هذا وانت ماوصفت الصدر ومسوي فينا خير يوم قصرت الوصف من الصدر و فوق هههههه

صح لسانك يا جزل ودام بوحك العسلي

تحيتي لجنابك الموقر

الله الله
صح الله لسانك يالغنامي
كايفه ونايفه وجزله ولا نستغرب على شاعرنا الجمال والكمال والحضور المميز
دمت ودام مداد قلمك ورقي حرفك الفاخر
تقديري وتقييمي والنجوم لسموك
النجلاء

بالرغم اني ماحب شعر الوصف ..
الا انه صح لسانك وقصيده جميله بجمال حضورك الراقي ..

ابدعت وصح لساانك لين ترضاء
مع التقدير والاعجاب

اقتباس:

المشاركة الأصلية كتبت بواسطة عبدالعزيز العتيبي

والصـدر لـو اوصفـه مافيـه فالتوصـيـف عـيـب

لاكن ابا اقصرهـا واخيـر القصـر مـن تطويلهـا

هيضتنا يامحمد بالوصف الراهي

هذا وانت ماوصفت الصدر ومسوي فينا خير يوم قصرت الوصف من الصدر و فوق هههههه

صح لسانك يا جزل ودام بوحك العسلي

تحيتي لجنابك الموقر

هههههههههههههههه صح بدنك ياعزوز

ابا اتعلم التوصيف وذليت اني اجيب العيد هههههه


سلمت ولاهنت على المرور

دمت بخير

اقتباس:

المشاركة الأصلية كتبت بواسطة النجلاء

الله الله
صح الله لسانك يالغنامي
كايفه ونايفه وجزله ولا نستغرب على شاعرنا الجمال والكمال والحضور المميز
دمت ودام مداد قلمك ورقي حرفك الفاخر
تقديري وتقييمي والنجوم لسموك
النجلاء

النجلاء

اسعدني وقوفك هنا في متصفحي المتواضع

كوني بالقرب لاعدمتك

دمتي بخير وسعاده

اقتباس:

المشاركة الأصلية كتبت بواسطة غزلان

بالرغم اني ماحب شعر الوصف ..
الا انه صح لسانك وقصيده جميله بجمال حضورك الراقي ..

الغزاله الشارده غزلان

صح بدنك ولاهنتي

ولا يهمك اسوي لك هجاء لو بغيتي هههههه

دمتي بخير يالطيبه

لاهنتي