ولد العديلي.......

هذه القصيده اهداء للاستاذ / ناصر بن محمد العديلي
تقديرا لمواقفه المشرفه في مجال الوفاء والكرم
حيث ذكر لي احد اصدقائه وقفت ابومحمد معه قبل ان يطلب منه المساعده
وانا سريع التأثر بمثل هذه المواقف
فهاجت قريحتي بهذه الابيات امل ان تنال اعجابكم:


خلوني امدح ياهلي راعي الطيب = اللي فرق بالطيب عن كل جيله

يوم انهم صروا الدنانير بالجـيـب = ولد العـديلي بالعـطاء شـد حيله

حتى اعتلى في عاليات المراقيب = وحاش المراجل كلها في شليله

ربيع في وقـت السنين المجاديب = مثل الحيا عقب السنين المحيله

ومثل البراد بحاميـات اللـواهـيب = ضاري على مد العطايا الجزيله

ورث علوم المرجله والمواجـيب = وزاد الموارث بالفعـول الجميله

رباه ابوناصر عطيب المضاريب = وقفى عن الدنيا بطيب الحصيله


احمد بن عبدالرحمن العريفي
(نديم المجره)

صح لساانك والطيب ماله الا اطيب
وفيت وكفيت وبيض الله وجهك في مدح النشاماء

سجل اعجااابي وتقديري

صح الله لسانك يالعريفي
ويستاهل المدح راعي الطيب
كفيت وفيت وبيض الله وجهك
تقديري لسموك
النجلاء

صح لسانك شاعرنا
قصيده رائعه ويستاهلون الطيبين ماقصرت وبيض الله وجهك
دمت بود وتقدير

صح لسانك

والمدح يزهى الطيبين وانت قرم ووافي ومايمدح اهل الطيب غير اللي طيب مثلهم

تقبل تحياتي

الله الله

صح لسانكـ يانديم المجره

كفيت ووفيت ويستاهل المدح راعي الطيب

دمت ودام حرفك الجزل

مروري وتقديري

مرور مع كل الاعجاب والتقدير

صح لسانك شاعرنا
قصيده جزله لاتصدر الا من شاعر كبير
استمتعت بجمال متصفحك ورقي ابياتك
دمت بخير وسعاده دائمه