ول يا حظٍ غدرني مثل ربع اليسوع

انكتب لي الحزن في مبتدى يـوم الربوع
يوم جتـني سـيــدت خـافـقـي بـ افراقها

جتني اتوادع وتسكب على الخد الدموع
يـوم غـيــري حــاطــهــا بـ الـزواج وباقها

كنت اظن إنها نصـيـبي ولا كنت بـ جزوع
واثـقٍ بـ الـحـظ واللــي وســــط خـفـاقها

مـنـزلاً لي فـيـه نسـهر عـلى نـور الشموع
اسـهـر ويـسـهـر مـعـي حـبـهـا وأشـواقها

لـيـن جـتـنـي تـعـلن البعد قدام الجموع
فـي قـصـيـده ذبـلـت مـن الفراق أوراقها

وانقلب ضحكي حزن ممتزج من كل نوع
والـمــواجـع خـافـقـي بـ المـفـارق ذاقها

الـمـفـارق كـ الـجراده وانـا مـثـل الــزروع
هــاجــم أفــــراحــــي بليا خطأ واستاقها

واصبح المحصول لي ضيق نابع من وجوع
واختفت شــمـس السعاده وغاب إشراقها

اونـس بـ نــاراً تــولــع ورى عـوج الضلوع
تحـرق بـ كـبـدي ولـو مـا رضـيـت إحراقها

ول يـا حـظٍ غــدرنــي مـثـل ربـع اليسوع
بعــد عـهـدن بـ الـوفـاء خـانـت بـ ميثاقها

كيف تـبـعـد عني اللي لها قلبي بـ خضوع
يـنـحـنـي وان غــابــت مـن الغلا يشتاقها

مـن غـلاهـا لـو بس تغيب كـم ساعه يلوع
والـعـيـون تـفــوح مــزن الـدمـوع امواقها

وادري أن مـفـارق الـشـوق ما بـعـده رجوع
لـيـت روحــي فــارقـتـنــي بـأمـر خـــلاقها

والله أن الكون بـي ضاق مـن بعد الوسوع
يـوم هـدتـنـي اللـيـالـي بـ شـيـن أخـلاقها

الشاعر بشير العتيبي

عبدالله الصقري ,رحيل ,خيال مطير و 3 آخرون معجبون بهذا

ملكة الرواسي ,ناصر الهواوي ,محمد الغنامي