عهود الصداقة

لا شك في نفسي من الوقت ساموح =ولا شك في نفسي عتب واحتراقه
أسير الهاجس طواريق وامزوح= واسير المعنى بفن ولباقه
حق الخوي واجب أساويه بالروح= أحفظ له حقوقه وحسن العلاقه
أدمح له الزله واقول مسموح =وارعى عهود المعرفه والصداقه
درب الجماله ما يبي هرج واشروح =يبي عزوم ارجال تعشق نطاقه
ولا المقفي مالنا فيه مصلوح =طرد المقفي من سلوم الحماقه
ماني على شرواه بمكثر النوح =ولاني على شرواه راعي شفاقه
من يتبعه محصولها حفنة جروح= ويصبح على ما قيل راعي طفاقه
كلٍ بوقته له تفاكير واطموح =وانا هوى نفسي من الطيب باقه
يقوله اللي خيل بروقٍ تلوح =ورعادها دندن وفيه إصطفاقه
تلوفها ريح الهبايب على شفوح= تسوقها من غير كيف ورواقه
القاع منها صار ما كن به ضوح =وغديت مثل اللي كسِر عظم ساقه
يخشى عواقبها ويخشى على صروح= وبيت الوفاء ينهار كامل رواقه
وقبل الختام وقبل ما سري يبوح= اهدي التحايا الوافيه للرفاقه

أدمح له الزله واقول(اله) مسموح

اشهد بالله انك غنيت وعرفت تغني
وشهد انك مثل ماعرفتك بالجزاله لا عدمتك
صح صح صح لسانك لين تقول بس قصيدتك شتت تفكيري يالفواز

صح السانك


وعتلا شانك




مبدع يافواز




تحياتي

صح لسانك يـ الشاعر

ولاهنت على هـ النص الجزل

تقديري’,,

فواز


صح السانك وعتلا شانك

وافيه من وافي

تقبل مروري

:
:

صح لسانك وألف لاهنت
عنوان جميل ونص أجمل
معنى ومغنى

سعيدين بشوفتك فواز بعد فتره من إنقطاعك
ألف مرحبا فيك وحياك

فواز البقمي

صح السانك وعلا شانك

اكثر من رائعه بكثير

تقبل تحياتي

فواز البقمي

صح لساااانك مدد بلا عدد

ابداع وامتاع لا محدود

تحياتي لك