قنيص القطا

قال منهو مولع في قنيص القطا = من بعد ما كريم العفو ربه عطاه
يا هجوسي عليك الله حث الخِطا = ما يموت البنادم لين يوفي خِطاه
ما ندور من العربان مدح وعطا = ماشيٍ في رضا ربي بحيد اوطاه
شاقني صاحبٍ لي طال عنه البطا = يا عرب وين خلي ويش سبة بطاه
وين صدر وورد وأي ديره وطا = سعد شعبٍ بزنده في حياته وطاه
كان جاهل صغير بس قلبه سطا = لعنبو من سطا قلبه وطاوع سطاه
ماش بعد المحبه غير كشف الغطا = من هجر من يحبه غصب نكشف غطاه
وما يصح الصحيح الا ويكشف خطا = يظهر الحق والمخطي يصحح خطاه
والرقيب ابحياته للعذاب امتطا = يوم هم الليالي فالزمان امتطاه

سامي الرقيب

سآمي الرقيب!
صح لـ سآنِك يآقديرْ وسلمت يُمنآك
أبيات عطره ..رآئِعه بلا حدْ !

تحيّه نرجسيّه لـ شخصِك ,.

اقتباس:

شاقني صاحبٍ لي طال عنـه البطـا

اقتباس:

يا عرب وين خلي ويش سبـة بطـاه

صح كلك وصح المنطوق

رائعـة وأقسم

وإعجاب بها أخي

سعد شعبٍ ( برجله ) في حياته وطاه

لو غيرت كلمة ( زنده ) إلى كلمة ( رجله ) في الشطر أعلاه


أحسنت أخي العزيز/سامي الرقيب أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

رائعه واكثر
سلمت يمينك يالرائع
وصح لسانك ولاهنت

صح لسانك ياسامي

وعذرا على التاخير لا عدمتك

صح لسانك

لاهنت على هالرائعه

لك تقديري

سامي بيض الله وجهك وتستاهل كل علم غانم