كنز الهوى

السلام عليكم ورحمة الله وبركاته
اخواني الاعزاء تقبلوا مني هذه القصيده عسى ان تنال اعجابكم ودمتم بخير وموده

يا مل قلبٍ همومه قامة تروزه = وهو صبورٍ على همه ليا رازه
من بعد فرقى الحبايب حرقة فيوزه = واليوم ما عاد اله في دنيته عازه
وين انت يلي حلاتك تشبه اللوزه = القلب من غيبتك ما دق هزازه
خِلك ما طب الشهد من غيبتك بوزه = محروم حُرمة فقيرٍ قلبه جنازه
من شاف شخصيتي يقول مهزوزه = العقل منحاز وانته سبة حيازه
حتى رجولي من الطرقات محزوزه = ممشاي ممشى عويدٍ ضاع معكازه
من شافني قال شارب نصف قازوزه = مدمن على الشرب جالس وسط مركازه
عند العرب دمعتي فالعين محجوزه = واذا تخلوية دمعي بَل حجازه
شبريتك فالحشى يا زين مركوزه = وقلبك على قلب قلبك شدد اجهازه
نهزة الك فرصةٍ بالغدر منهوزه = غدرتبي لين قلبك حقق اعجازه
واليوم ابارك لقلبك يالغلا فوزه = مدام يقوى المفارق سجل انجازه
ملعون جد الهوى لو كثرة كنوزه = عند المفارق يعاف العيش كنازه

اخوكم / سامي الرقيب

صح لساااااااااااااااااااااااانك
اخوي سامي وبيض الله
وجهك على هالقصيده
تقبل مروري

واليوم ابـارك لقلبـك يالغـلا فـوزه=مدام يقوى المفـارق سجـل انجـازه
ملعون جد الهوى لـو كثـرة كنـوزه=عند المفـارق يعـاف العيـش كنـازه

صح لساااااااااااااااانك

يــاالأخ العزيز سـامي

بيض الله وجهك على هالقصيده الجمــيله

تقديري.

لله درك ياسامى الرقيب
أبيات من شااااعر جزل

صـــــــــــــــــــح لسااااااااااانك اخي سامي على هذه الرائعه


الله يعطيك العافيه


تقبل تحياتي

سامي الرقب
الله الله على القصيده الرائعه
صح لسانك وسلمت يداك أبدعت
تحياتي

صح لسانك وبيض الله وجهك

ابداع وقوافي ولا احلى منها غير كلماتك الحلوه

تقبل مرورى
طال عمرك
اخوك
خالد ابن هجيره

الله الله

ياسامي الرقيب كالعاده

لا تأتي سوى بالرائع

ملعون جد الهوى لـو كثـرة كنـوزه = عند المفـارق يعـاف العيـش كنـازه

هنا أتى وصف الحال بفلسفة شاعر

وأوجد بيت عن قصيده كامله

بليغ معنى ياسامي

صح كلك وجعل السعد مايملك

ودام وجودك بكل خير وموده