مَدَّ النظـر

* * * * * * * * * * * *

مَدَّ النظـر .. غير المعآنـآه ما اشـوف
ما بـه مـعــآني مَيَّـزَت جـآمــد و حـي

حتّى القصـور الشـآمخـه كنّها كهـوف
مـدري ظلآم او مـآت في عيني الضي

كلّش سـرآب او مثلما قـيـل مخطـوف
حتى الحقـيـقـــه جَــرَّهـــا وآدي الغـي

وقـت ٍ تـرآكَـم منه الاحـزآن في جوف
و مـوسّــم ٍ وقتي بـ وسـط الخفـا كـي

هــذا زمـآن ٍ قَـطَّـع خـيـوطــه الخـوف
صبحـه و ليلـه صـآيـــرة لـه ولا شـي

ما من جدا لا سـرمـد بشمسه كسوف
لا لـيـــل يـــآوي لا و لا نــور أو فـي

و انا فـؤآدي ضـم الاجــرآح واللـوف
يـبـســت عـروقــه ما تبـلَّـل من المي

مـتـعـلّــق ٍ ما بين الآمــآل و ظـروف
و ليـــا تـمـنّــى مـا لـقــى ذي ولا ذي

لحظـة تأمّـل طـآلـت و خطَّت حـروف
هي الحقيقـه و انطـوت بـ الوهـم طي

نظره .. وياليت النظر بعدهـا يشـوف
اليــآس عَـقَّـب مـن رمـآه القــدر عـي

* * * * * * * * * * * *

من الإرشيف
1414 هجري

الخالدي ,روابي ,الجووهره و 1 آخرون معجبون بهذا

رحيل

الله الله
صح لسانك مدد عبدالله
ارشيفك جديد وزاخر طال عمرك

عبدالله الصقري معجب بهذا

صح بدنك و كلك و سلمك ربي على هالمرور العذب

لك كل تقديري و احترامي

صح لسانك شاعرنا

عبدالله الصقري معجب بهذا

صح بدنك و كلك يالامير

ابيات جميلة تخللها شيء من الوجد والحزن
اعجبتني في بنائها ومعانيها صح السانك شاعرنا وابعد منك الحزن
دمت بخير وبالتوفيق

عبدالله الصقري معجب بهذا

مبدع شآعرنا
في قديمك وجديدك
صح لسآنك مليووون
ويعطيك العآفيه على هالرآئعه

عبدالله الصقري معجب بهذا

اقتباس:

المشاركة الأصلية كتبت بواسطة هزاع محمدالعاصمي

ابيات جميلة تخللها شيء من الوجد والحزن
اعجبتني في بنائها ومعانيها صح السانك شاعرنا وابعد منك الحزن
دمت بخير وبالتوفيق

آمين وياك يارب
صح بدنك حبيب قلبي و سلمك ربي دوم
و الله يسعد لي صباحك و كل اوقاتك
دمت بكل خير و محبه
مع أرق و اجمل تحيه