الفرصه ( لو كل فرصه بفرصه كان صحصحنا )

السلام عليكم ورحمة الله وبركاته
اخواني الاعزاء تقبلوا مني هذه القصيده عسى ان ترتقي الا ذائقتكم الشعريه
ولكم الود والمحبه

يالله يا عالمٍ خافي ضمايرنا = جيتك وانا ساندٍ يالله لك امري
ايامنا يا ولي العرش تسرقنا = ايامنا جاريه واعمارنا تجري
كم فرصةٍ جاتنا واخرى تودعنا = كم فرصةٍ مصبحه كم فرصةٍ تسري
لو هو نعد الفرص تنشف حناجرنا = وتجف الاقلام ما نحصي لها قدري
احيان ياتي فرص نسجد لخالقنا = ونقول تو السوالف ما ضبطة بدري
واحيان ياتي فرص نقرى مصاحفنا = ونقول نقرى ليا من اذن الفجري
واحيان نلقى فرص نزور اقاربنا = ونقول بعدين ذا اليوم الهوى بحري
يا كم مريضٍ منى عينه زيارتنا = وهو على بالنا يا ناس ما يطري
لا جاء لنا فرصه انزوره تكاسلنا = يلعب بنا ابليس حتى يارد القبري
ضاعة كبار الفرص يا ناس من يدنا = ونبكي على امور دنيا طيلة العمري
لا فاتنا فرصةٍ بالمال صيحنا = نشكي من الهم والاحزان والغدري
نبكي لا قلة به الدنيا مواردنا = في حب الاموال ضاع العزم والصبري
نبكي على فرصةٍ ضاعة بسبتنا = ونقول لو هي تعود انودع الفقري
واسباب ضيع الفرص يا ناس انفسنا = ونبكي طوال الدهر ما نطلب الستري
ونقول يا ناس دنيانا تعاندنا = ونبصم على معاند الايام بالعشري
ولو كل فُرصه بِفَرَصَه كان صحصحنا = لاكن تضيع الفرص من غير ما ندري

اخوكم / سامي الرقيب

الله الله الله
صح السااانك يالذيب كالعاده مبدع لاهنت
تقديري واحترامي ياسامي

صح لسااانك ياسامي

من غاب جاب

تقبل مروري وتقديري

الله الله ياسامي


صح لساااانك


أبدعت


لاهنت

لاهنت على الابيات الرائعه والجميله

ودائماً في قمة الابدااع والتميز

سامي الرقيب
صح السانك وعلا شانك
يعطيك العافيه قصيده رائعه
في انتظار جديدك بلهفه وشوق
تحياتي

...أخي سامي ....حروفك سامية ومعانيك راقية... ..ليتنا ندرك حقيقة أن الفرصه لا تأتي مرتين ...
بورك بقلم يحمل رسالة كقلمك..

الاخ سامي
صح لسانك وسلمت يداك وبيض الله وجهك
تحياتي لك
خيك
خالد ابن هجيره