النار

‏

ترجمت أحاسيسي بــوزنٍ وقافيـــه=بأسباب دنياً يكفـي اللـــه شرّهـــا
صارت لحلو النــوم عيني مجافيـــه=له مده امن الوقت ما عـــاد مَرّهــا
ودمعتي ماهي على الناس خافيـــه=لاجيت بنكرهـــا عيونـــي تقرِّهـــا
وعباية الضيقه على الصـدر ضافيــه=والهاجس اسرف في حياتي وضرّهـا
معي نوايــا الوقت ماهيب صافيـــه=بيده عقب كــأس الحلا ذقت مُرّهـــا
وحالي من همومٍ على القلب لافيــه=يغيض ربعــي والعــواذل يسرّهـــا
والناس لاموني يقولـــون كافيــــه=ليـــال حزنـي ذيــك لا درّ درّهــــا
وآن الأوان أنسى والأيــام شافيـــه=لجروحي اللي بالضمايـــر مقرّهـــا
ومن لا توطى النار بالرجـل حافيـــه=يجهل لظاها ليـن يـــُونس بحرّهـــا

الشاعره سلمى

عبدالله الصقري ,ملكة الرواسي ,رحيل و 3 آخرون معجبون بهذا

شاعرة نجد ,محمد الـفراج ,محمد الغنامي

الله الله
سلمى القرني
صح لسانك مليون يالجزله
مبدعه مبدعه لا ابعد الحدود
اعجابي يسبقه تقديري

سلمى القرني
صح لسانكـ
قصيده جزله ولاهي غريبه عليكـ
دام وجودكـ

مبدعة ياسلمى صح لسانك غاليتي

سلمى القرني
صح الله لسانك مدد بلا عدد
ابدعتي وامتعتي كما تعودنا من سموك الابداع والامتاع وفخامة الحضور
دمتي ودام مداد قلمك ورقي حرفك الشامخ
تقديري لكِ
النجلاء

صح لسانك سلمى .

صح لسانك يـ سلمى
وتسلمين وتدومين على هـ الدرر العذبه والحضور

ودي وتقديري,’’

الله الله
سلمى كعادتك لا يآتي منكِ الا كل إبداع
صح لسااانك شاعرتنا ودام تواجدك