النظرة القاتلة

السلام عليكم وطابت أوقاتكم

تواصلاً مع تاج القصيدة ....


( النظرة القاتلة )


***

طرأ عليّ الغزل من شفت عين الغزال=عينه بعيني وشفت النجم في القايله


بريقها مثل شهبٍ في سواد الليال=فيها الحور والدّعج وأطرافها ناجله


حلّقت فيها بنظرة وأعتراني غُزال=حاست مريري وقمت أحوس وآغازله


البدر يشبه لخده والحواجب هلال=والخشم سيف أحدبٍ والأرنبة مايله


والثغر فيه البرد ناصع ونبع الزلال=وليا أبتسم كنه الوسمي من إمخايله


والصدر روضة وبه نهدين مثل التلال=والخصر الأهيف على ردفين متثاقله


والذوق والذائقة وإحساسها والدلال=تثير شِعر الجدل بأشعارها الجادله


قوافي الشعر ما تحصر جميع الخصال=حتى قواميس وصفة باللغة فاشله


ما هو وحيداً ومثله يشبهه بالجمال=غير أن روحه مع الأوصاف متماثله


جدير بالحب والهقوة وشد الرحال=يا ليت يقبل وأشد الرحل وأقابله


هذي حقيقة شعورٍ ملتبس بالخيال=يطري خياله خلال الفرض والنافله


وأجاوب اللي تسآل قبل طرح السوآل=أنا طريح الهوى والنظرة القاتله

^_^


وسلامتكم

عبدالله الصقري ,رحيل ,ريم الفلا و 4 آخرون معجبون بهذا

ملكة الرواسي ,محمد الغنامي ,شاعرة نجد ,محمد الـفراج

صح لسانك وبيض الله وجهك ~

الله الله
صح لسانكـ
مليوووون ولا يكفوووون
مبدع يا عبدلله
قصيده جزله ولاهي غريبه عليكـ

صح لسانك يـ الدنيش
وتسلم على هـ العذبه والابدااع

تقديري لك,’’

الله الله
عبد الله الدنيش
صح لسانك واعتلا شانك
مبدع وجزل شاعرنا كما عهدناك
سجل اعجابي وتقديري
يسبقه ختم التميز

صح لسانك يابو عامر
لاهنت ولايستغرب منك الحضور الفاخر كعادتك
تقبل تقديري الخاص،،،

نص جميل بجمال حضورك الراقي
صح لسانك مليون ولا يكفون
يعطيك العافية

الشآعر عبد الله الدنيش

صح لسآنك مليووون ولا يكفووون

ويعطيك العآفيه على هالرآآآئعه