الرد على الشاعر سجين الرواسي

رداً على قصيدة الشاعر سجين الرواسي

واللي يقول في مطلعها

يا محمد العواد قبل البارح=سرى بي الهاجوس لين اغواني

له مني العذر على التأخير في الرد

والسموحه من القصور

انا من البارح وقبل البارح=ساري على طاروق حرفٍ جاني
حدّث علي اصدار نسخة جرحي=وبيّح خفايا هاجسي و اشقاني
تشكي علي حالك وحالك حالي=هزيت يا راع الهوى وجداني
اللي سبى قلبك سواد عيونه=حبه مثل ما اغواك قبل اغواني
اسمع عسى تسمع جوابٍ شافي=ما دمت شخص ايحب شخصٍ ثاني
اجرك على الله يالسجين وليتك=تاخذ عبر من سَجنة السجّاني
أما انت تكشف للوليف أوراقك=ولا على نفسك تصير الجاني
ما للهوى بيني وبينك داعي=دام الوله ما هو على الولهاني
والشوق للي ما درى عن الشوق=دمعةٍ يتيمٍ هلّها وحداني
أما الشعر من قطف روض احساسك=تمزج مع الجوري شذى الريحاني
هذا وكل اللي يدور ببالي=قلته لاخو غالي من اغلى اخواني

عبدالله الصقري ,محمد الغنامي ,نايف خويتم و 3 آخرون معجبون بهذا

الملكة ,عزاام ,سجين الرواسي

أما انــت تكـشـف للولـيـف أوراقـــك ولا عــلــى نـفـســك تـصـيــر الـجـانــي

يا سلام يا سلام صح لسانك مليون يا ابو سيف اخو وعزيز وغالي لا عدمناك وبعيد عنك القصور مبدع دايما يا ابو سيف

محمد العواد معجب بهذا

صح لسآنك شاعرنا

ويعطيك العافيه

على القصيده الجزله

والرد الرائع

محمد العواد معجب بهذا

الله عليك محمد
دوم قلمك يلامس القلب
لا هنت والله يعطيك العافية

صحت السنتكم محمد وسجين

الله الله
صح لسانكما و اعتلا شأنكما
حماكم الله
ورعاكم









تقديري و تحاياي

صح لسانكككك مبدع والله يديم هالجمال بينكم اثريتم ولا هنت يا محمد وافي دائم

محمد العواد معجب بهذا

روعة الحرف تعانق سمو المعنى
لتستلهم من جمال الكلمه قصة ابداع
صح لسانك وسلمت اياديك
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم