جيت المكان

جيت المكان اللي جمعنا ورى العام =اطلال ماضينا وذكرى هوانا
ازهاره العطره غدت كانها حطام=الدهر واطيها مثل ماوطانا
وقمت اتفكر كيف دار(ن)الايام=ياقدرت الله كيف تاهت اخطانا
اول لقى كان الهوى حولنا حزام=ونهر الموده نارده ماروانا
من وفرة الاشواق بقلوبنا زحام=ومطوعين الود يمشي ورانا
كنا على درب الامل نبني احلام=وعلى ضفاف الشوق يخفق لوانا
صدق المشاعر ماهو بزيف الاوهام=مانختلف كن الزعل قد نسانا
قلوبنا متوالفه مابها خصام=وتضحك لنا الايام كل مالتقانا
واليوم طير البين من فوقنا حام=وسحب المطر ماعاد تمطر علانا
صار اللقاء مابينا صدام بصدام=ونفوسنا ماعاد تغفر خطانا
لا والله اللى حظنا طاح ماقام=وعيت مشاعرنا تجاوب ندانا
وارخصت دمع العين ماني بملام=ابكي قهر من حالنا وش بلانا
هذى نهايتنا مثل بعض الافلام=مات الامل والحزن حل ب سمانا

محمدسعدالعتيبي

الله الله ي محمد صح الله لسانك ملايين ~
وحياك في منتدى رواسي بين اخوتك واخواتك ~
ودي وتقديري لبوحك العذب وحضورك الفاخر ~

مرحبا مليون
الاخ محمد العتيبي
صح لسانك مليون ولا يسدون
نص فخم وعذب لابد الحدود
ولاهي غريبه على شاعرنا الجزاله والابداع
سجل مروري وتقديري الابدي
اللي يسبقه تقييمي
وختم التميز

الله الله
ياسلام عليك وصح الله لسانك يامحمد
ابدعت وامتعت ولاهنت على هالدره الفاخره
دمت ودام مداد قلمك ورقي حرفك الشامخ
تقديري لسموك
النجلاء

صحت ابدانكم جميعاً واشكر لكم مروركم وكلماتكم المشجعه

محمد العتيبي
صح لسانك ملايين
نص شاعري جميل وكله فخامه
من شاعر مبدع وجزل
يعطيك العافيه
تقديري لسموك

رااااااائعه
صح لسااانك واعتلى شانك يامحمد
على هالقصيده الطيبه والجزله لاهنت
تقبل مروري وتحياتي

نص أكثر من رائع
وافي ومجمل جزاله وقمة الجزاله
صح لسانك على هذا الطرح الرائع

دمت سالماً