نجمة سهيل

جديدي
قصيده قلتها في حفل ابن صديق لي

بداية قولنا نبيه باسم الواحد المنان=خلق كل البشر لامرٍ عظيم ولجله افناها
سلام الله على الحضار ماهل المطر هتان=على صدق المشاعر والوفا والطيب مبناها
تحيه عطرها ورد المصايف خالطه ريحان=ودهن العود حبر المرسم اللي به كتبناها
هجوسي في حفل عبد العزيز لرغبتي طربان=بيوت الشعر رتبها ولحنها وغناها
لو ما شاش لبني من له بقا عندي مقام وشان=عسى روح ابو عبدالله بجنة عدن سكناها
لا ابته بالثلاث من القصيد وحبكة القيفان=واحرمه من ظهوره مع بعيد الناس وادناها
صديقي قل جنسه وانعدم في تالي الزمان=وبقيت بشلةٍ تمدح مذاهبها وتشناها
نعم/يوم النسب صار لخوالي مرشد الشجعان=ذوي شارع حرارٍ من شواهق نجد مجناها
سلايل روق لاثار العجاج وثوع الدخان=توفر للسيوف بحزة الميقاف حناها
وعن الضيفان لا اطفا ناره بليل الشتا خيبان=لهم بارفع نبا بدروبهم حنا شعمناها
تهاب اللي زبنا ما تعرض دربه العدوان=عنا يكفي يوريهم عصاه اللي وسمناها
وفي كل القبايل والنعم ما اذكر بهم حقران=لهم مجدٍ تليد امجادهم صدق وقريناها
وصلى الله على المختار طه من نسل عدنان=عدد ما صافحت يسرى جريح القلب يمناها

خيال مطير معجب بهذا

الله عليك اخي ابيات
رائعه ومعانيها اروع
اشكرك ع ابداعاتك المذهله

خيال مطير معجب بهذا

اللهم صل على نبينا محمد سيد الانبياء والمرسلين

كفووو كفووو والنعم والله فيك وفي خوالك يابو عبيد
وفي جميع القبائل
صح الله لسانك ملايين
كفيت وفيت وبيض الله وجهك على هالرائعه
تقديري لسموك
النجلاء

خيال مطير معجب بهذا

مافيك حيلة يابو عبيد
صح السانك الى حد رضاك
مبدع والنعم فيك وفي من وجهة لهم القصيدة
وفيت وكفيت في ماكتبت وعساك على القوة دائما وابدا
اجمل تحية

خيال مطير معجب بهذا

الله الله
ابو عبيد
صح لسسانك واعتلا شانك
جزله من شاعر جزل
سجل اعجااابي
وتقديري

خيال مطير معجب بهذا

القدير

ناصر الهواوي

والنعم فيك ومن قصدت فيه
وصح الله السانك واعلى شانك
تقبل الورد

سامي احمد

الهواوي
صح لسانك واعتلا شانك
ابيات جزله وجميله
يعطيك الف عافيه
تقبل مروري واحترامي

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير