الحمد لله والشكر

بسم الله ابداء متكل بالله وماغيره نويت=الخالق الي في يده روحي وعلا شانها
ومادامني عنزتها بالله ماطحت وهويت=والراس مرفوعه على متني وربي صانها
أبا أحمد الله واشكره إن نمت ولا قدصحيت=ماهزني كثر الحمول ولو تزيد اوزانها
قرناس لا ضاقت عليك وضك صدرك مشكيت=تشلع جناحك معتلي وسط السماء عقبانها
الحر لا طال النهار يبين فعله وارتويت=واطفيت جمره في خفوقن تلتهب نيرانها
تمشي على وضح النقاء وروس الطويلات اعتليت=والنفس من جور السنين الله كريم وعانها
غنيت واغني وارددها عليكم بيت بيت=ياريحة الجنه ويا ذخري تطيب الحانها
الماكر الي فيه ياقرناس وبوسطه ربيت=ماكر حرارن نادره وقويتن سيسانها
أعيش وامشي قدم خلق الله طناخه مابكيت=ولارف جفن العين ياذخري ولحدن هانها
يفداكم الي في محبتكم يموت ويستميت=ويرخص لكم روحه لو ان الشعب كله دانها
ولو سال دمي وانتثر واحرقت نفسي وارتميت=مااوفيتكم يانور عيني ولا رجح ميزانها
الجنه الي من تحت رجلينكم والها سعيت=لعيونكم لو شابت عيوني ودمعي خانها
يالله يارحمن يالي تخرج من الحي ميت=يالله دخيلك لا يسيل الدمع فوق اوجانها
الروح خذها ياكريمن له سجدت ولا اكتفيت=وعطهم ضياء روحي يعيشون بكنف بستانها
من دونهم يالله يارحمن للروح احتويت=واستغفرك يالله من ذنبي اذا قفلك يابيبانها

الله الله
صح لسانك واعتلا شانك
نص فاخر وجزل
مروري يسبقه اعجابي
وتقديري لاهنت

الله الله
صح الله لسانك ياقرناس
كايفه ونايفه وجزله
دمت ودام مداد قامك ورقي حرفك الفاخر
تقديري لك
النجلاء

صح بدنك يامحمد وتسلم الله يعطيك العافيه
وشعري نقطه في بحر ابداعك

صح بدنك يا الاميره وتسلمين يعطيك العافيه
واسعدني مرورك

قرناس
صح لسانك يالذيب
ابيات كلها جزاله وجمال
يعطيك العافيه
تحياتي لسموك
المهره الاصيله

صح بدنك يالمهره ويسعدلي حضورك وطلتك
تسلمين يالشيخه

ارتشفت منا العيون اجمل الاحساسيس
سلمَ فيك هذا النبض

ودمت بالحب غارق
لـ تنهل علينا جميل بوحك
تقبل حضوري في صرحك الجمال مع خالص الاحترام
زهور الياسمين لشخصك