سلام ياهل العرِف مثل الرذاذي

سلام ياهل العرِف مثل الرذاذي

وبـلٍ من المـنشاء بـداية رذيـذه

بـرضٍ قـفـر مادوجـهـا مـواذي

ماغـير وضحٍ بالـولي مستعـيذه

من شـر ناسٍ باالخلايـق تهاذي

وضحٍ حـياته من ملكهـن لـذيذه

تحتار لاوصّـفـت هاذي وهاذي

علط الرقاب وبالوصايف فـذيذه

لارحـت للحد الشـمالي محاذي

والصوت محلا بالنوازي هذيذه

يـالله ياالـمعـبـود فـيك الـمـلاذي

مـن كـل حاسد والنفوس البذيذه

وقسم لنا من جود فـضلك نقاذي

ومـن لاتعـلّـق فـيـك ماله نـقـيذه

التوقيع نديم الجود

ونعم بالله
الجليدي مساعد
صح لسانك واعتلا شانك
جزله من شاعر جزل
مروري وتقييمي
لاهنت

مساعد
صح الله لسانك يالجزل
ابدعت وامتعت كما تعودنا من سموك الابداع وفخامة الحضور
دمت ودام مداد قلمك ورقي حرفك
تقديري لك
النجلاء

صح السانك ...ابيات لا تصدر الا من شاعر متمكن
اعجبتني في معانيها وبنائها دام نبضك

الجليدي
صح لسانك مليون
واعتلا شانك
ابيات جزله وكلها فخامه
مبدع وجزل كعادتك
تقبل مروري واحترامي لك
دمت بخير وود

رووووووعه

مساعد الجليدي

مشكور على الابيات الرائعه

صح لسانك ياولد حرب

شاعر جزل يُثبت جزالتك قوة المعنى

وسلاسة سبك الأبيات وتصخير القوافي

الصعبة

وذلك ماشدّني لمجاراتك في هذه الإبيات

والتي سوف أضعها في موضوع مستقل

بمشيئة الله

صح لسانك مليون

القدير

مساعد الجليدي

صح الله السانك واعلى شانك
تقبل الورد
سامي احمد