الله يخليك والله لك يخليني

السلام عليكم ورحمة الله وبركاتة

يسعدني الأنضمام لهذا الصرح الشامخ بين أخواني الأعزاء

أشكر أختي الأصيلة بنت ابوها على توجيه الدعوه

مصافحه أولى

لا وا عذابي تبي تبعد وتتركني..! =من بعد كل الغلا .. و الشوق .. و سنيني ..!
ما أقدر على البعد .. تكفى لا تعذبني = دخيل ربك ترآ مافي .. يكفيني
أنطق .. تكلم .. وش اللي صار .. فهمني .. = صمتك ذبحني .. تكلم .. كان تغليني
أضحك حبيبي .. وقول أنك تمازحني =وإني حبيبك .. ولا يمكن تخليني
دمعك .. وصمتك .. ترآ بالحيل يقهرني =وشلون تقهر حبيبك ..! .. يانظر عيني
قوم وتعوذ من الشيطان و أحظني = مافيه شي ٍ بيبعد بينك .. و بيني
أنت الغلا وأنت قطعه فيني .. و مني =لا والله الا .. فراس .. وكل .. مافيني
ما عاد أبي شي .. لا تشرح .. و تزعجني =الله يخيلك .. والله لك يخليني
لو صار ماصار .. ما اخليك تتركني = بالطيب بالغصب تبقى لآخر سنيني

فراس المطيري
حياك الله ولاهنت يالقرم
صح السانك وبيض الله وجهك
دمت بتقدير

الله يخليك .. والله لك يخليني
اول شي حيااااك الله يالذيب ويامرحبابك بيننا
وثاني شي صح الله السااانك ولاهنت
وبيض الله وجهك
يالذيب على هذه القصيده

فراس المطيري
حياك الله يالذيب
ونورة رواسي نجد
وشرفتنا بانظمامك يالغالي
وصح لسانك وبيض الله وجهك
ولا هنت يالذيب
على هذه المصافحه الرائعه
لك التحيه
ودمت بود

هلابك ،، ثم هلابك
ويالله تحيية برواسى نجد
عزالله وفيت وقلت تم
ماقصرت على قبولك دعوتى ومن طيبك
صح الله لسااانك لاعدمناك
ابيات جزلة من شاعر جزل
فلك ود وتحيات الأصيلة

الكايف

النايف

فراس المطيري

ياهلا بالقصيد وأهل القصيد

كايفه وترضي اللي مايرضى

ما عاد أبي شي .. لا تشرح .. و تزعجني = الله يخيلك .. والله لك يخليني
لو صار ماصار .. ما اخليك تتركني = بالطيب بالغصب تبقى لآخر سنيني

صح لسانك وصح كلك

ودام هالكينون بواهس الشعر ودوام الخير والعافيه

فراس المطيري


صح لسانك واعتلى شانك

صح لسانك ولا هنت واهلا وسهلا فيك بينا بين اهلك وناسك