نبى نتقهوى .!

اليوم بعد صلاة الجمعة فتحت الفيس بوك قبل يحطون الغداء وراسي مصدع من الضرمة على القهوة
واول ما فتحت الصفحة من الاب توب ولا هذي الصوره اللي فوق ومن منزلها

الشاعر حامد المالكي وكاتب على الصوره

(( من يتقهوى معي.))

ومن محبتي لشاعر عبدالرحمن الماكي ابو احمد ونواف جارالله

اشوف كل شعار بني مالك في صورهم لان الميانه

قاطها بيني وبين اللي ذكرتهم حتى كنت كل يوم في هواش

مع ابو احمد مابيه يشارك في شاعر المليون ههه

وجات هذي الابيات واعتقد ان الشاعر حامد المالكي

بل اجزم انه بيرد عليها وبنشوفه كلنا ان شاء الله

====== فهد العتيبي ======

نبا نتقهوى على العز في محل القروم
ياحامد المالكي امورك اشلونها

احواركم له سنة ضاير وعيا يروم
نسمع هباب القصيد وهبهب الحونها

علم صديق الجماعة كان راعي لزوم
ما كل ضبعة تمجد قوة اسنونها

حنا على المذهب الاول ونهج السلوم
سحايب الشر لكّن الخير فـ مزونها

ولا ظنتي في مطانيخ القبايل رخوم
ولا كل ناقة حلوب الناس يشرونها

اكرمكم الله تقهوينا وجعلك تدوم
يوم الذبايح حلفنا ما تذكونها

--------------------------------------------------

رد الشاعر حامد المالكي

==== ردي الاخير ====

تبقى وربي محييني وليتك تقوم
ترقى سنام البعير إن شب غليونها

يالضابط اللي على بدلتك تاج ونجوم
من فرع خشمك تحيي من يديرونها

تحلم بعين الصقر لو واقعك سمع بوم
من شأن تسمع اوآمر ما يعيدونها

ارضخ لقائدك يالطيب وخلك خدوم
ليجردونك من اثيابك ويرمونها

مدام هذا الشنب كله على اربع ارقوم
ماهي بصعبة على دقنك يحلقونها

لكن يا شريم لا تنفخ وكلك هموم
ترى جنون البقر في رؤسها جنونها

ياهيه اصحى قبل تفرض عليك الرسوم
حتى بقركم من الحاجه تبيعونها

لو اني ادري بعد هذي ميهناك نوم
ياللي من الجهل لحيتكم تحسنونها

صورت فنجالك وتعزم عليه العموم
كمل وعطنا صور ناسن يصبونها

صح والله لسانك ولساانه لين
تملون مني ونا ارددها ما اطيب من الصوت الا الصدى
فاخرين يامحمد ومن هنا الاعجاب وجل التقدير

الله الله
حي الله الشعر واهله يافهد
صح الله لسانك
وصح الله لسان الشاعر حامد المالكي
صوت وصدا ولا اروع ابدعتو وأمتعتو ولاهنتو ابداً
شاعرنا الراقي دمت ودام ابداعك ورقي حرفك الشامخ
تقديري وتقييمي لسموك
النجلاء

صح لسانك ملايين شاعرنا
قلم مميز يخط لنا جمال مشاعرك البراقه
دمت بخير وسعاده دائمه

صح لسانك
وجود هذه المتصفح الرائع يفرض علينا المتابعه والاستمتاع بجماله
لروحك عبق الياسمين

فهد العتيبي
يذوب كل الإطراء .وتنحني الكلمات
خجلا امام روعة ونقاء امام سمو حرفك
ففعلا للحرف صداه الرائع عندما ار اسطرك
سيدي وللإبداع صفحة اخرى معك
يسعدني ويشرفني ان ارا تلك المساجله
التى ابتدأت بالحرف الجزل
وختتمة باروع منه
سيدي لاتفي حروفي الكلام
اقدم شكري واحترامي