يــاهـــــــاجــــــس الـــــشــــعـــــر

بسم الله الرحمن الرحيم

بدوم مقدمات

اتمنى تنال الاعجاب

ياهاجس الشعر المنقى على الذوق=أرجوك جملني بحرف القصيده
أكتب لعل الحرف ياصل لها فوق=ويشرح لها عن وضع شخص(ن) تعيده
بأسلوبها الراقي تحاكيك وتفوق=وتقول سبحان الغلا جاك سيده
تضاربت كل التفاكير واروق=واجدد الدعوه بزين النشيده
لحنتها بأحلى لحن صار مطروق=وتعيدها بالصوت والله يزيده
وانته كفو في قولها دايم(ن) شوق=تعرف تشد الانتباه وتجيده
مهما كتبت الشعر وابيات مسروق=ومهما وصفت اخلاقها يافريده
شي(ن) خيال ولا تحاول له نطوق=واحساسها فوق السماء ماتصيده
بنت الرجال اللي لها الدمع محروق=بنت الحشام تقولها يازهيده
يمكن تقول الفلسفه زادة شروق=ويمكن تعاود هرجتي بالنقيده
لكن انا مانيب مجبر عن السوق=أسوق عمري لجل طبعه واشيده
لكن بجيب الهرج واضح وموثوق=مهما زعلنا طيبها ماتبيده
حتى وهي مهمومة(ن) شفتها ذوق=وحتى وهي تدمع تزيد بمفيده
يعني بكل الصدق ماعندها عوق=تحب كل الناس والطيب سيده
خلاص يعني حبها ساكن الموق=محد(ن) يوصل مستواها واعيده

وسلامتكم

صح السانك قصيده روعه وابدااااع فكري في التعبير والاسلوب
بصراحة لا املك غير ان اسجل اعجااااابي بما خطت أناملك

وتقبلي خالص تحياتي
.
.

..,, خالد العتيبي ,,..

ياعيني عليك وصح لساانك لين تروى

جزل يالذيب جزل

تقبل مروري مع الاعجاااب

..,, تحياتي ,,......................................... .

صح لسانك ياخالد ولاهنت
ملاحضه بسيطه
بنت الحشام وتقولها يازهيده
حرف الواو هنا سبب كسر للبيت والأفضل
بنت الحشام تقولها يازهيده
ولي عوده أوفى بالشرح بأذن الله

لاعدمتك يامحمد سرعة الكتابه وانت خابر العجله فيني حجازي

لاعدمتك وعدلتها

ماقصرت يالغالي


هذي الثانيه وش فيها

خالد العتيبي


صح لسانك قصيده جميله في مضمونها ولكن تفتقد بعض الابيات الى الترابط فصدر البيت له معنى وعجزه له معنى اخر وهذا ما يفقدها الجمال بالاضافه الى ملاحظات اخوي محمد القسامي

ارجو منك تقبل هذه الملاحظه من اخ يتمنى لك التميز




اخوك مرهف الاحساس

هذي متى جبتهااا

عقب ولا قبل ههههههههههه <<الرجال يبي يحرش

خالد صح لسااااااانك لين ترضاااا سجل التقدير والاعجاااااااااااااب