وش هقوتك باللي فزع قبل ننصاه.......

مدخل :
عندما تشتكي لاحد من الناس ويقدم لك الخدمه المطلوبه فيعتبر هذا الانسان من اصحاب الشهامه والمروءه.
فكيف اذا تقدم احدهم لمساعدتك وسخر امكانياته الماديه والمعنويه وذلك بمجرد ان ذكر له احدهم عن معاناتك قبل ان تشتكي له
فهذا الانسان لاتستطيع جميع عبارات الثناء وفاء حقه


وش هقوتك باللي فزع قبل ننصاه = وقـدم لنا الـفـزعـه قبل نـشـتـكي له

وبادر بفـزعـاته لنا قـبل نـنـخــــاه = من شان يحمي وجيهنا من الفـشيله

عـبـدالعـزيز مـحـمـد الله يرعـــــاه = ولـد العـريفي شال عـنا الـثـقـيـلـــه

والله لـــــولا خــالـقـه ثم لــــــولاه = كـان الزمـان يـلـفـنـا في شـلـيــلـــه

هـذا الذي يستاهـل العـز والـجـــاه = واحـد ويسوى بالـمـواقــف قـبـيـلـه

عـزالله ان الـمـدح والطـيب يزهـاه = الـنـادر اللي مالـقـيـنــا مـثـيـلــــــــه

له مـدتن كـل الـخـلايـق تـمـنــــــاه = لله دره مايــمــد الـهــزيـــلــــــــــــه

يارب تسعــد ولـد عـمي وتـاقـــــاه = ويارب تعـطيه العـطايا الجـزيلــــــه

الله يرحـم من عـلى الطـيـب ربــاه = عـسى جـنان الخـلد تصبح مقـيـلــه

ولاهـان ابوخـالد عن الوضع نـباه = سلطان عـل اسنين عـمـره طـويـله

اعـيـال عـمي عـزوتي بالـمـلاقــاه = واللي ماعـنـده مـثـلهـم عـزتي لـــه

احمد بن عبدالرحمن العريفي
(نديم المجره)

صح الله لسانك يالعريفي
كفيت وفيت وبيض الله وجهك وجه ولد عمك
يستاهل ولد العريفي هذه الفاخره في حقه
دمت ودام مداد قلمك الشامخ
تقديري وتقييمي لك
النجلاء

يستاهل رد الثنا من يفعل الطيب النادر اللّي فزعته قبل تنصاه

نديم المجره

صح السانك مليون هو قادر وانت كفو وتستاهل

سجّلني من المعجبين بما تكتب من قصايد

دمت كما تحب وكل عام ونت بخير وسعاده

لك مني اجمل التحايا والتقدير

صح لسانك

ونعم فيك وفي بني عمك يالعريفي

ومن قدّم الطيب يلقاه

سجل اعجابي وتقبل تحياتي

سسُططُوْرْ جججِدًآ ججَمِييْلَههْ
سَلِمتْ مِنْ كُلْ مَكْرُوههْ
دمتِ

كفو تستاهل الطيب وعيال عمك كفو قصيدة توشحت
بالجمال والعذوبة صح السانك وعساك علي القوه دايم وفي انتظار جديدك
اجمل وارق تحية

اهنيك على روعة هالسطور الذهبيه

متميز ياشاعرنا ....

تقبل تواجدي ودمت باحترام

الله يعطيك العافيه
بإنتظار جديدك بكل شوق
مودتي وإحترامي