خوافي قلب

مصافحه اولى .. اضعها بين ايديكم


عسى ان تنال على اعجابكم

حبيبي جيتك اتكلم عسى بعض الجروح تخـف = حبيبـي جيتـك اتألـم ابـي منـك تداويهـا
ترى بعدك سبب جرحي اذا مكذب تعال وشف = شف جروحي وهي تنزف ولادري وش تواليها
اذا تجهل معاناتي تعـال ولامسـه بالكـف = بتلقى رعشـة يدينـي تبيـن لـك خوافيهـا
خوافي قلب ماشافك ولا حتى بنظرة عطـف = يداري عزته دايـم يحسـب الحـب يدنيهـا
ولكنه لمح طيفك وصارت هالعيـون تـرف = ولـد بعينـه الخرسـى يحـاول مايعنيهـا
ترى حرفي عجز يشمل تعابيره بكلمه وصف = يحس انه لو بيكتـب محـال فيـوم ينهيهـا
انـا مااجبـره قلبـك علـي بيـوم يتلطـف = تعرف اني لجل فرحك ابيع الروح واشريهـا
ابيع اللي مضى كله وابيع الحاضـر واشتـف = فرح عمري وضحكاتـي اقدمهـا واهديهـا
خلاص اللي علي قلته وابيك اليـوم تتصـرف = فإما تروي العطشان والا يـروح هـو فيهـا
انا جيتك واتأسف اذا فعلا جرحـك الحـرف = ابرحل واترك جروحي تموت بموت راعيهـا

وسلامتكم


تحياتي

خوافي قلب ماشافك ولا حتى بنظـرة عطـف=يداري عزته دايـم يحسـب الحـب يدنيهـا

حى القصيد وراعيتة
معنى السمو
صح
صح
صح
لسااانك يالغالية ،،
ابيات جزلة من واافية ،،
سلمتى وسلم لنا بوحك وقلمك الراااقى
وياأهلااا بك برواسى نجد الأدبية
وننتظر جديدك لاعدمناك

معنى السمو
مصافحة رائعه وضهور أروع
بهذه الرائعه
بل هذه العذبه
بل هذه الجزله
بهذه المناجاه
وهذا الشعر المميز
صح لسانك وكلك
ودام هالكينون المتوشح بجزالة الشعر بكل خير وموده

يعطيك العافيه ومشكوره قصيده رائعه سلمت يداك تقبلي مروري المتواضع

الشاعره ...معنى السمو
صح السانك وبدنك على هذا الفيض الجميل الذي يحمل من
الحس الشعري اروعه حضور مميز اجدتي العزف بطريقة تلامس القلوب
هنا اجد حس شعري مميز ويحمل من المقومات ما يستوجب الثناء عليك
تقبلي مروري ولك كل الاعجاب والمتابعه دمت بخير

صح السانك معنى السمو
نزف جزل لاهنتي ولاتحرمينا ابداعاتك

اذا تجهل معاناتـي تعـال ولامسـه بالكـف=بتلقى رعشـة يدينـي تبيـن لـك خوافيهـا

ابداع

حقيقة بـوح عميق أحتوتهـ أسطركـ

أعجبنـي كثيراً

وبإنتظار قلمكـ الرائع

معنى السمو
صح لسااااانك ولا هنتي وانا اخوك
قصيده رائعه ومصافحه قيمه
نتشرف بها
سعدنا بتواجدك
ولك التحيه ودمتي بود