ند سقراط

احبتي طابت اوقاتكم
جديده اليكموها

زل الشتا ما بقي غير العقارب وآخر شباط=وقوافي ابو سعد في ربق هاجوسه ربيطه
وانا اعرفه ملهمه يصعط خشوم الشرَّد اصعاط=وتذعن لهجسه نوادرها ومع غيره عبيطه
فرز الجواهرجي اللي يلقط اللولو بملقاط=ويطمع بها من جهل بالصنف يحسبها بسيطه
وهي مثل زرق(ن)عليها صورة الشايب ابمغاط=لها تتوق النفوس وتصبح الكسلا نشيطه
يابو سعد خاطر امحاكيك من ما لج به شاط=وغلطه ضغط زر عصرٍ فات له وادرج شريطه
وجابه من اللي على الشاشه اعرض له هم واحباط=وانشق في ثوب صبره شق ما كلن يخيطه
وانا احسب اني نسيته واثر كل حسابي اغلاط=وامسيت كل المشاعر والهواجس مستشيطه
وكنت اتجنب جميع اللي يذكر فيه واحتاط=لاشك ذكراه من كل الجوانب بي امحيطه
اسمه ورسمه ومنظرته وخصلاته والامشاط=ويرسم بقلبي رفيف البرق يمتهم خريطه
ليا رف لولا الضلوع اتحيط به وعروقه ارباط=ان كان يمديه يمه طار واقلع من محيطه
ياقاضي الود ما نبغى الرشا والطير وامقاط=فينا تكرر.نبي ناخذ عن الهسات حِيطه
دور لصاحبك حلٍ ينفعه ياند صقراط=حبل الرجا منفلت من يده والهوه غويطه

الله الله

وصح لسانك جزل. ومتمكن

تقديري

الهواوي
صح الله لسانك مليون ولا يكفون
جزله من شاعر جزل ورائع
لاعدمنا شاعريتك العذبه والراقيه
تقديري وتقييمي لسموك

النجلاء

الهواويوفيت وكفيت وبيض الله وجهك وصح لسانك لين ترضاء
مروري وشرطتي يرفعون بريهاتهم لك

راآائعه ..
صح لسانك وسلمت يمينك ع الرائعه ..
تقديري لكـ ..

لاعدمنا جديدك


يـ الغلا