الدمعه اللي تكــــابر في طــرف عينـــــي ,,

الدمعه اللي تكابر في طرف عيني
يردها الموق بس الجفن حدرها

سمعت صوتك مع العالم يناديني
وازريت لا أردها بالعين وأسترها

وصديت ما ودي إن الناس توحيني
مثلي يموت ودموعه صعب ينثرها

ويخنقني البوح بس القلب يعصيني
ويبقى بوسط الصدور وفي خواطرها

والحزن لوني خفيته واضح فيني
ورد على القلب والفرحات صدرها

والبسمة اللي تبيني بس تخطيني
متى على الله يجيها يوم وأظهرها

ألاحي الورق مدري هي تلاحيني
اون وتسجع ووناتي تكررها

لبيه ياذكرياتي وأجمل سنيني
ويا قصة عايشه لو مات آخرها

وين انت ياول غرامي يامعنيني
وين أنتِ يا اغلى ذنوب القلب وأطهرها

أصحى و طيفك مع زولي يباريني
وأرقد وأشوفك مع احلامي تباشرها

مدري تناسى غصب وإلاإنت ناسيني
مدري عهودك وش اللي صدق غيرها

واليوم وينك بها الدينا وانا ويني
طالت ليالي الفراق بعين ساهرها

كم قلت توبة ترى ما عاد تعنيني
إن جات للنفس نفسي يمكن اقدرها

وإن اظلم الوقت هوجاسي يسريني
ويضيق صدري وكل أيامك اذكرها

وتبيني انسى وانا ما عاد يمديني
لو شفت حالي قسم بالله تعذرها

أصبر الحال في قولت بياتيني
وانا ادري إني ببطي لو اصبرها

وقصايدي في غيابك ما تسليني
لو تطرب الناس تشكي جرح شاعرها

والنفس تشكي زمان صدق مشكيني
حتى أنت ياغلى البشر تبعد وتحقرها

والدمعة اللي من الوحده تواسيني
اللي من آخر لقاء بالله خابرها

شفها تكابر وترجف في طرف عيني
ولاني عقب شوفتك يازين ذاخرها


-

-

لشـاعــر : آحمد بن جوفآن

ياظالمه وينك ترى الشوق غلاب =مشاق لك مشتاق حتى ال عذابك
وينك تعالي اظلميني بلا حساب= ظلمك ولا ظلم الزمن في غيابك
امنت بالي توجك عرش الاحباب= والي غرسني عشبة في ترابك
انك مناي ودواي والدرب والباب = وني هذاك الميت الي حيابك

الله متصفح غني بروائع
صح قلبك يامحمد وقلبك ياااوهاام
راق لي كثير مالقيت في هذا المتصفح,,, كلمات في غاية الحساس المؤلم
وكلمات في غاية الروعة
هنياً لك يارواسي بعذبيين الحرووووف

أوهام

صح لسانك ولسان شاعرها

جزله بمعني الكلمه

وليس غريب عليك هذا الانتقاء الرائع

سلمت يمينك على النقل المميز

لاهنتي ولك تحياتي

"محمد الروقي ..نبض الوفاء..محمد الغنامي "

أسعدني مروركم العطر لمتصفحي نورتو بحضوركم الراقي ..