اللي تشوفه يا أبيـض الوجـه .. سـوّه

طاح العتب .. ما هيـب لحيـة مشاريـه
خل الكـلام .. و حبـل الأعـذار طـوّه


ماراح اقول أشلون او كيف .. او ليه ؟
تـرى السـؤال بـدون أجابـه مـشـوّه


العذر مااات .. و مـات همـه و رااعيـه
و الجرح جف .. و جـف غيمـه ونـوّه


صاحبك ضاع الهـرج مـن بيـن أشافيـه
مـا كنّـه اللـي كـان قبلـك .. مـفـوّه


يجمع لـك مِـن الشعـر فاخـر معانيـه
و يمـوت عنـدك قبـل فـيـها يتـفـوّه


ليـه أنصـدم ؟ و تخـون قلبـي هقاويـه
و يطيح نجمـي .. و أنخـذل فـي علـوّه


أصدق مع الواحـد و احبـه .. و اثاريـه
طـوول الليـالـي معتبـرنـي عــدوّه


لايـا بعدهـم .. و أول الغيـث تالـيـه
و أنت اتعرف قلبي .. و خيـره وسـوّه


يمكن لو انك قلت غلطـان .. قلـت ايـه
مير البـلا انـك قلـت .. ناقـص مـرّوه


قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه


يصعـب علـى الرجـال يثبـت مباديـه
و ان كانه اثبـت .. كيـف يثبـت سمـوّه


الله يبيحـك عــن خـطـاك و تمـاديـه
و يبيـح قلبـك عـن خـطـاه وغـلـوّه


مادام حبـك خالطـه شـك .. مـا بيـه
حب العتب و الشك .. مـاعيـش جـوّه


ماكنّـي اللـي كـل مـا تلمـس ايديـه
يغمـرك بأحسـاس و حـنـان الأبــوّه


وما كنـي اللـي كـل مـا مـر طاريـه
ضج الفضـا باسمـه .. و عكـر هـدوّه


يـامرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه


بعض الجروح ان صابـت القلـب تنهيـه
و بعض الجروح .. تـزوّد القلـب قـوّه


الله كتب.. و القـوس فـي كـف باريـه
و اللي تشوفه يا أبيـض الوجـه .. سـوّه

الله الله الله

اختيار اكثر من رائع يعطيك العافيه على جمال ذوقك
قصيدة بالتأكيد تلامس القلوب وتروي الذائقه وتحوي من العتب الجميل والذي احبه انا الكثير
اسعدني مروري من خلال متصفحك وكل الاعجاب والمتابعة ولك اجمل تحيه

آبيآت غآيه بآلجمآل وآلروعه

تسلمين يآلغلآ .. ~

ماننحرم من جديدك وتميزك آلدآئم

آحترآمي وتقديري لك

رجوووووونهـ
وهـ وهـ وهـ ياقلبي فديتك ع اختيارك الروووووعة
حيييييييل ر اقت لي فديت ذووقك ي عسووولة رواسي
وهـ ارتويت من ابياتك المميزة ياغلاي
دمتي مبدعة حبيبتي
الله الله

يـامرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه

الله كتب.. و القـوس فـي كـف باريـه
و اللي تشوفه يا أبيـض الوجـه .. سـوّه

يعطيك العاافيه يالغلا
ابيااات رووعه بمعنااها
دمتي بخيييير