مسك كتفي وهو يهمس .. تراني في غيآبك صمت

صبآح \\ مساء
العطـر.. والشعر






.. مدخل :



.. جالس أعد بآخر الأيـام .. كـم مـره إنجرحـت ؟؟
.. وإذا عرفت .. أسأل ثمين الوقت كم منه إنسرق
.. وأضحك أبي كل البشر تدري وإذا صديت صحت
.. ماودي العذال تشمت بـي ..وأنـا ميـت غـرق ! ..
.. وأنا وقفت لضيقة الفرقا وضاقت بـي وطحـت
.. إلين قلت بصوتك المبحوح " مابـي نفتـرق"




النص



على غفلة وأنا آراقب مدى وادي الظـلام بصمـت
تسلل بالخفـى ظـل الخيانـة مـن ورى ظهـري
وأنا في كل عزي فـوق صخـرة قصتـي ماقمـت
دريـت أنـه وراي ولابغيتـه لا قــرب يــدري
لعلـي أكسـره بــ أول كلامـي لامـن إتكلـمـت
وأنا أخاطب ضميره وآتشكى مـن وجـع كسـري
عمدت أكتب " أحبك " عـ التراب بلا " ألف " مادمت
أعرف إن " الألف " تعني " أنا " وتطيح من قـدري
بديت أهمس بإذن جوفي نسيـم يصيبنـي لاهمـت
تناهيد ٍ بـدت تحبـي ألـم ليـن أصبحـت تجـري




على كبـر الخيانـة والتناسـي والكـذب قاومـت
ثمـان شهـور لا طـب ٍ يعيـن ولا دوا يـبـري
أجـل أتـرك مكانـي للغيـاب وهقوتـي أجرمـت
وأجي وألقى الجريمة من يدين أجناب في صـدري
وأنا ياويل حالـي قبـل أغـادر دنيتـك صممـت
أعـود بـلا عتـاب ولا مـلام وخافـق ٍٍ عـذري
من أول ما عرفت إن البحر دمعة قهر بـه عمـت
إلين أصبحت في جوف الورق غرقان في سطـري




أتمتم بـ الكلام اللـي كتبتـه وأمسحـه لانمـت
أخاف أحلـم وأكمـل ماكتبـت وينفضـح سـري
ويدرون الملا عن ماحبستـه بالحشـى وأقسمـت
أخبيـه لـ ذبـول آخـر ورود الحـب فـي حجـري
ومر الوقت وإحساسي مابين آلمـت / مـا آلمـت
وظهـري يرقبـه عيـن ٍ تلـد تشـوف مايجـري
وفجأة .. خالط الموقف شهيق المذنب اللـي لمـت
ونبضاته بـدت تزعـج حشـاي وتقتـرب حـدري
مسك كتفي وهو يهمس " تراني في غيآبك صمت "
وحضني وأنفتح دفتر دمـوع ٍ مـن شهـر مقـري
نزعت إيده ونفضت اللي بلبسي من غبآر وقمت
وخليت الذي يبكي ورى ظهري ..
ورى ظهري







مخرج :




جـــايز .. أكون الحليم اللـي ظهـر شـرّه
وجايز يكون الغلط منـي.. وذا عـذري .
يا صاحبـي .. كنـت أحبـك حيـل بالمـره
ولازلت أحبـك .. ولكـن العتـب يطـري
أحيان أشوفك " بعيـد وخايـف آضـره "
وأحيآن أشوفك قريب .. إرتاح في صدري
ليه أسألك عن جروح القلب .. والحـرّه..؟
وأنت أبخص الناس في جرحي وفي حـرّي







المدخل + النص
لـ عبدالله البكــر



**احترامي وتقديري **

جنون انثى
روعة صح قلبك وروحك ياغلاي
قصيدة من المدخل للمخرج في قمة الذووووق
لا عدمنا ذووقك حبيبتي

جنــونـ انــثى
عودة رآقيه كرقيكـ

سلمت انــآـآملكـ على طيبـ الاختيـآـآر

تقبلي مروري

شكرا لمروركم على موضوعي