يمكن أسامحك

يمكن اسامحك !!

تبغى الصراحه ؟ يا ملاك الغنادير = : لا يمكن انّي باقي العمر أسامحك!
كنت .. أعتبرك بخاطري طفلٍ إصغير = اشتاق لك! واضحك بوجهك وامازحك
واصرف لك الاحساس صرف الدنانير = وأشاغبك وازْعِلك ، وارْضِيك وافْرِحْك
واقطف لعينك من ظلوعي نواوير = واهدي لك اكليل الوناسه مع الضحك
وأسْدِل لك اهدابي جناحين وإتّطير = وانا بعطر المسك ف/الجوّ أصافحك
كنت احسب انّك عن جميع العرب غير = لين اكتشفت اللي خفى من ملامحك
واليوم ما باقي لك أيّات تقدير = لأنّني من قبل غلطتك ، ناصحك
لن كان خانتك الجُمل والتعابير = وما عاد تدري وين تلقى مصالحك؟
رح عني .. الله .. يكتب اللي به الخير = مانيب لا شامت ولانيب مادحك
تراي مؤمن بالقضاء والمقادير = وخسارتي فدوه لتالي مرابحك
لكن ليا لاحظتني حزّة اعصير = ارجوك لا تاقف وتدعس مكابحك
لاعاد يطري لك بشوفي تفاكير = دار الزمان و روح ماني مسامحك!
مادام حبلك طاح في جمّة البير = لا انته بخاسرني ولانيب رابحك

عبد الله

صح لسانك وعلا شانك

جزله يالجزل وان اشهد انها تبري الاوجاع وتغسل الكبد

الف لاهنت على هالعصمى

تحياتي لك

صح السانك الوف يا عبدالله مبدع في كل حالاتك
قصيدة بها من الجمال والشعر الشئ الكثير اعجبتني في بنائها ووزنها
ومعانيها حقيقة تمتلك زمام الشعر الله لا يضرك اسعدني كثيراً المرور من خلال متصفحك
كل الاعجاب والمتابعه ولك اكليل ورد دمت بخير اخي الكريم

عبد الله بن طلال
الله الله
صح لسانكـ وقلبك يالغلا قصيدة رائعة كــ روعة كاتبها
جميل هذا المتصفح الغني بالمفردات والجمل والجزالة رائع يَ بو طلال ربي يسعدكـ
دمت كما انت من الجمل والجزالة لا ينتهي
لروحك عبير وردي