عابر سبيل..؟

مساء الخير / صباح الخـير
كل عام وأنتم بخـير جميعاااا
وعذرا للغياب
....
...
..

في دروب التيه جربـت المقيـل=وشلت ياكتفـي عوايـدك الثقـال
دامها ضاعت علومـك ياالدليـل=لك عيوني جاوبة أصعب سـؤال
خطوةٍ عديتهـا عـن ألـف ميـل=من خطاوي مشيتي هـدت جبـال
مقصرك يادرب لو قالـوا طويـل=لو يشابه واقعـي نسـج الخيـال
من سحابة صيف حصلت المسيل=كيف وضعك يالشتاء؟ والمزن سال
وش يبي في عزته جذع النخيـل=غير ثمره فـي حياتـه والظـلال
الريـاح المعتمـه نسمـة عليـل=ولدروب الضيقه عنـدي مجـال
ماقطعهـا غيرجوبـاح الأصيـل=من صحاوة فكر ياوليـد الحـلال
من طموحه مايعـرف المستحيـل=لوتعقـد فـي رجاويهـا الحبـال
من يحاول ينكر الفعـل الجميـل=أشهد أنـه ماتربـى مـع رجـال
أستحي يوجيه طاحـت بالشليـل=وش تركتي مـن علـومٍ ماتقـال
لاتفكـر يحكـم العالـم هبـيـل=يبني أبيوته علـى جـرفٍ هيـال
ولاتفكـر يحكـم العالـم ذلـيـل=أعتبرهـا حكمتـي ماهـي مثـال
في دروب التيـه أناعابـر سبيـل=أبتسـم ليلـه وسافـر لــزوال