أنا سلمى

إن كان نظـم الشعـــر للبنت عايبــه=
ذنبي على جنبـــي ولا نيب تايبـــه
وأنا بقول الشعــر يا جملة العــرب=
حتى أدفن بقبرٍ طـــوالٍ نصايبــــه
ما دمت انا حيـه ويجـري بي النفس=
عن ساحة الإبـــداع مانيب غايبـــه
أدلّه الخاطر من الضيـــق والعنـــا =
ولقول بعض الناس مانيب حاسبـــه
ناسٍ تحاربني على نظمـي الشعــر=
ولابـد للموهــــوب ناسٍ تحاربـــه
لكن ياأهل العرف قد قيل فـ المثـل=
من شاف هم الناس هانت مصايبــه
والشخص لامن ذاق ضيمٍ من العـدو=
غير الذي شاف العنا مـن قرايبـــه
لكن أنا سلمى ولا هــانو البنــــي=
شمسي تبا تشرق ولاهيب غاربـــه
أصلي جنوبيـه وفـ الأزد منسبـــي=
والعز في دربي منـــوّخ ركايبــــه
بلقرن ربعي محـزم الجنب والظفــر=
وعون الخوي لا كـشر الوقت نايبــه
يا لابةٍ يوم اللقـاء تـــارد الخطــــر=
ما تحسب حساب الزمـان وعواقبــه
وابوي شيـخٍ للثقيـــلات يرتكــــي=
يا شيب قافي يوم أعــدد مناقبـــه
وزودٍ على ما قلت يا جملة البشـــر=
مثلي بطون الغـــيد ماهيب جايبــه

#سلمى

عبدالله الصقري ,غياهب ! ,عبده حكمي و 3 آخرون معجبون بهذا

النجلاء ,ملكة الرواسي ,محمد الغنامي