قلت لك مايصير

ارشيفيه للتواصل مع التاج

ان قلت لي صار علمك قلت لك مايصير=شخصٍ مغربل وشخص بعيشةٍ هانيه
ومن زيلة الماضي اجفل لو يصفر صفير=حتى خياله ولو بالحلم ما ادانيه
لكن انا شفت لي شيفه عسى الفال خير=واظنها اشباح جن وعالمٍ فانيه
كني بروضه عطاها الزهر شكلٍ نضير=اكتب قصيده واجربها على الحانيه
واشوي لحم صيد فوق الجمر واشرب عصير=وارمي على شايبٍ يسني على سانيه
امسلوع الجسم ناحل بس مخه كبير=يعرض فتاوى وعن ما سلته افتانيه
يقول حسان يضحك من كلام الضرير=وخناس اعادت مراثي صخرها ثانيه
وان الفرزدق امعصب من نقايض جرير=ونفس الحطيئه على نفسه هي الجانيه
وناسٍ يقولون ابو تمام شانه خطير=وطرفه بتالي زمانه قامته حانيه
وان شان وقتك يجي طعمه بحلقك مرير=وليا صفى طعمه احلا من لمى غانيه
قلت اشهد اني نويت اكتبك عندي شوير=لو كان يا كثر ما باعصى وتعصانيه

هاني الدهماني ,عبدالله الصقري ,محمد الـفراج و 6 آخرون معجبون بهذا

عبده حكمي ,روابي ,محمد الغنامي ,ملكة الرواسي ,شيخـــة الغــيــد ,رحيل