ياراكبن من عندنا فوق حره=الها جناحينن كما طير قرناس
اليا رقت ثم استوت دون جره=يقودها كبتن وركابها ناس
اخذ الكتاب اللى عطيناك دره=اللى جزالة حرفها وسط قرطاس
ثم وصله للى لزومن تمره=الشايب اللى سمعته ترفع الراس
الشايب اللى كلبونا نبره=اللى على الجزلات شيخن ونبراس
ثم عطه مكتوبي بحلوه ومره=للغز حلاله وللبحر غطاس
الوقت الاقشر قام حظى يكره=وصكن عليه صك مابين الاقواس
اجر عمرى مار حظى يجره=جرة ونيتن فوق قبات الاطعاس
على الشقاء والياس حظى يعره=ذقت المراره ذوق ولحقتها كاس
والعين غصب العين دمعى تثره=عقب السعاده حافنى عالم الياس
ماشفت من دنياي غير المضره=بمكافح الايام والوضع منحاس