أتضايق لوّ ماني بمتضايق=لجل أسج عن العرب وأذكر وصوفك
مااعتدل جوي لو ان الجو رايق=ولايزين الوضع والله لين أشوفك
بس لاجات الصراحه والحقايق=انت ماتسمح ولو تسمح ظروفك
مغلقه بوجيهنا كل الطرايق=بس لاتبخل علينا بمْعروفك
صوتك اللي لاسمعته في دقايق=أنتقل لامان قلبك بعد خوفك
والأمل بالله لو كل العوايق=بيننا ماتنقطع همسة حروفك
امتعلق فيك من بد الخلايق=ولايمرني طيوف ألا طيوفك
وكل شيٍ فيك يالمجمول لايق=لاتصيبك عيني وتكثر حسوفك
والعهود اللي علينا والوثايق=ماكتبها ألا كفوفي مع كفوفك
واثقٍ بالله في ولا انت بايق=وواثقٍ بالله فيك وفي حلوفك
وان حدانا الوقت ولّا صار عايق=قمت اناظر بالسماء واذكر وصوفك