دره وشبهها سناء النور لابان=شمسٍ تعلت في سماء كل ديره
ولاكما القمرا مع زود تحنان=نورٍ يشوقك في الليالي المثيره
روضٍ خضر به أزهرت كل الاغصان=ياورده ونفحه وزاهي عبيره
سر الجمال إنه خذى منك عنوان=يانبعه وكله وصافي غديره
مثلك تجلى من على الطيب نيشان=واللي بقربك بات عينه قريره
ومدحي لكم واجب ولاقيه سلوان=واللي أنشدني قلت محلاك سيره
وذكري لكم من منطلق اننا اخوان=زودٍ على الخوه تراك القديره
والشاهد الله ما مدحتك علشان=إني آنال الجايزه والبريره
شيٍ بقلبي بنثره عبر الالحان=وشيل صوتي لوحدتني المغيره
وصخر القيفان طربٍ ونشوان=غيمه بصدري وحمدالله مطيره
وسر العيون بدمعةٍ وسط الاجفان=يالله يالمعبود تجلي العسيره
عبدك رجاك ومن عنا الوقت تعبان=ونرجيك يا مولى على ناس خيره
انك تساعدها على كل ماكان=ونك تعافيها وتضفي السريره
وختامها يارب فضلك والاحسان=ماغيرك احدٍ يالولي نستجيره