شبكة رواسي نجد الأدبية - عرض مشاركة واحدة

15-11-2013, 01:35 PM

ارجوك سامحني على كثرة اخطاي
وارجوك تغفر زلتي يوم زليت
وارجع تراني راجع لك من اقصاي
وان ما قبلت برجعتي لك توفيت
اثرك معك صبر وعزيمه لفرقاي
وانا احسب ان مالك امل لوتحديت
جلست افكر في غيابك وش الراي
وحسيت مدري ويش انافيه حسيت
حسيت في ذنبي وفي عظم بلواي
وان الفراق يقول لي وينك امسيت
اخطيت في نفسي وفي وصفة دواي
وانا من جروح الزمن ماتشافيت
حاولت اصلح غلطتي بس ما امداي
حتى اعترفت اني تجاهلت واخطيت
والحين جيتك مندفع لك من اقصاي
وان ما قبلت برجعتي لك توفيت

هزاع العاصمي معجب بهذا