تواصليه .. لا اكثر :)
من بعد .. الغياب الطويل عن الكتابه :(
صبرت والصبر طال وزاد همي وطال=تطوفني ضيقتي وازريت لا اطوفها
اعد فيها الهموم اللي تثير الجدال=واحذف بيوت القصيده وامسح حروفها
تعبت من حاضري يالعام وينك تعال !=لقيت نصف الخلايق ترفع سيوفها
حتى اقرب الناس عندي صار مضرب مثال=يطعن على طعنته ويويق ويحوفها
الغيت وقت الثقه واعلنت وقت النزال=على ماقال المثل .. والناس بظروفها
شفت الحقيقه على الواقع وعفت الخيال=ماعدت اصدق .. جميع الناس وحلوفها
ياصاحبي حبنا ماعاد به طول بال=النفس ماتنجبر في حاجه تعوفها
لولا فعولك معي مااخترت غيرك مجال=لكن يدينك مشاكلها من كفوفها
انا عطيت المحبه والدلع والدلال=واحرمت نفسي عشانك لذة شفوفها
واليوم مافيه حب ولا سوالف هبال=خذ ذكرياتك معك ماودي اشوفها