17-10-2011, 07:07 PM
|
#1
|
بيانات اضافيه [
+
]
|
رقم العضوية : 278
|
تاريخ التسجيل : Feb 2009
|
أخر زيارة : 27-04-2024 (10:01 AM)
|
المشاركات :
7,781 [
+
] |
التقييم : 5401
|
مزاجي
|
|
لوني المفضل : Cadetblue
|
|
بيات موجهه الى الشاعره. الاصيله بنت ابوها
وردتني الابيات التاليه من الشاعره الاصيله بنت ابوها وحقيه قصيده وافيه وتستاهل الرد
هزاع ياشاعر الجزلات= بشكى لك الوضع والحالي
بعض العرب تقبس الشارات= قول ولا هوب يحلالي
انا ابدوية على العادات = واكتب على النت ما بالي
أرقا ولا أنزل مع العثرات =وانافس الخلق يالغالي
للحرف فى داخلى زفرات = أحيان أهوجس وبلحالي
وأحيان اكتب على ماجات = وتطلع لى بيوت وجزالي
وأغنى الطرق والشيلات = بشعري و لحني و موالي
الشعر نبضٍ وجمع شتات = بين المعاليق يجتالي
غلاه عندى انا بالذات = مع طول الايام متعالي
هو سلوة القلب فى الضيقات = اسري معه لاغفا السالي
دفاتري و الحروف اثبات = بوح ٍ به آلام و آمالي
والعذر ياشاعر الجزلات = كان المعاني به هزالي
استلمي شاعرتنا الرد
أصيلةٍ نافت الخفرات =رمز الشرف دوم تختالي
بنت الشهامه بها مروات=نبض الشعر منزلك عالي
الشعر ينقادلك حزات = معك يتجلى بالا مثالي
وِن قبل القاف والجزلات =نوحي على كل ما طالي
وِن غاب منك بلا مشهات =ناجيه ياتيك بالحالي
حب الشعر والغلا مرات=يرث على القلب غربالي
ون عارضك بالحياة اشتات=ومن الجفا الدمع همالي
وغاب الوفاء كثرت الزلات =وصار الوفاء صحصحٍ خالي
عيشي حياتك مع البسمات =وشومي على كل عذالي
وخذي النصيحة إلا من جات =من واحدٍ خافقه سالي
ترى الهوى لعبة بالشات=كله سواليف وهبالي
زماننا مايبي النخوات =ميل مع القيل والقالي
صارت حياةٍ بلا فزعات=تخالط المر والحالي
والصبر في قمة الشارات=والوجد للروح قتالي
تمت ولا هيب بالشكات =يالترف ياسمح القبالي
اجمل تحيه
اخوكم العاصمي
|
|
لاصرت في صحتك والحال مستور = يغنيك عن بعض الرفاقه رفاقه
منتب على طرد المقفين مجبور = أما الوصل وإلا بلاش العلاقه
- ديواني الإلكتروني
|