يا ماعطينا ما حسبنا للاحوال=وان شانت الدنيا ترا ما حكينا
لو حدنا صوب الشقى اشهب اللال=على سنام العز حنا ارتكينا
نشيل حملً مايشيلونه رجال=عن هرجت الخايب ترا مادرينا
وبيوتنا مدهال لو الزمن مال=يشهد لنا منهو يسير علينا
مبطي وحنا للكرم مظرب مثال=على نهج حاتم من اول مشينا
حنا على ماقيل نازل و رحال=من هرجت الخبلان حنا طنينا
فمان ربي و ازرق الدمع يختال=ياقافي الموزون يالله سرينا