شبكة رواسي نجد الأدبية - عرض مشاركة واحدة

06-12-2022, 11:23 AM

من صفا الاجواء نجوم السما تزْْهَر سطيع=والقمر لو ما اكتمل ليلته ذي عاشره
بالبراد اللي يشوق مع الجو البديع=فضي اشعاعه على منطقتنا ناشره
وصدري الليله عن اول احس انه وسيع=فيه كفٍ لي يمد الفرح ويباشره
لي يقول الليله انعدها ليلة ربيع=كل ضيقة صدر لا ردها الله داشره
وكل شبرٍ من ضريه يرحب بالجميع=ولصدى الاصوات عسعس يرد مفاشره
وشاركه وسط برد الصدى كنه مذيع=في مقابلةٍ مع احمق عنيد يقاشره
مرحب بغامد لهم عندنا قدرٍ رفيع=وزاد زودات الربا في بيوع معاشره
اهل المخواه سووا بجيتهم صنيع=لمعوا به صفحةٍ من زعل بي كاشره
ومرحبا باللي لنا شرفوا من كل ريع=عِد ما ينشر مقال بجريده ناشِره
وكثر ما للبرق جاء في مخايلها لميع=وما تنهت مَن بصدره عليمٍ حاشره
ولا يلام الهجس لاجاب لي ما يستطيع=اقلطوا/ ويقال من حب ظيفه خاشره
ــــــــــــــــــــــــــــــــــــــــــــــــــ ــــــــــــــــ
عسعس ووسط من اشهر جبال ضريه

عبدالله الصقري ,عبدالله الدّنّيش معجبون بهذا