تفاكير ومشاكل والحقيقه مالها حلال=تساوت دنيتي وأهل المعرفه حالهم حاله
هموم وسالفه لكن قسم بالله ماتنقال=ولا نتبع ردي النفس في حله وترحاله
أنا ماقول لا والله شين مايجي فالبال=ولا أجيب الخيال وكل خيلن قام خياله
أسندها على ربعي وأسندها على الأبطال=عوازم من هوازن تتعب المغبون وأمثاله
وقفنا بالمواقف وقفت الرجال للرجال=وأنا رجال أنزل كل رجالن بمنزاله
أعرف أن النذل دايم يسوق الرجل للأنذال=وأعرف أن الخبيث اليوم مايمشي على فاله
تحملت الحمول الكايده لو هي تهز أجبال=ولو غيري تحملها يموت وموته أشواله
تعبت وقتي القاسي يغير نغمت الموال=وأنا جيته على النغمه ولكن دار مواله
كثير اللي حكو عني وكثير اللي علي أنقال=وأنا ثابت مكاني ماتبعت النجس وأشكاله
أنا شاعر ولي بصمه وأذا جبت البيوت أجزال=ولا أسمع هرجة الجهال ولا أتبع ناس جهاله
ولو غيري يجيب الشعر لكن وين كيف الحال=يجيب الشعر بهزاله لو أنه ساكت أحلاله
يقولون العرب محدن يعرف يأعور الدجال=ولاحدن شاف زولك لو كثير الناس دجاله
أذا طاب الولد ياهل المعرفه مايجي بالخال=يجي طيب الولد من ربعه اللي دوم خواله
هموم وسالفه واللي فهمها فيه سبع أخصال=فتل والا نقض يستاهل الناموس بفعاله
ختام السالفه يارب ترحمنا بعد مازال=تراك أنت الوحيد اللي يعرف الشخص وأعماله