اباامدح اللي فوق مدح المداديح=عز الـوطـن والديـن قـايـد دفـاعه
محمد محمدنا بعيـد المشاويـح=من مدرسـة سـلـمان عز وبـراعه
الله يجيره من جميع السـوامـيح=طبعه مثـل جده ثـبـات وقـنـاعـه
ياقو تصريحه ماهو بإي تـصريح=غير السياسه مفعم ٍ بالشـجـاعه
بدر ٍ بـزغ ونـجوم ليـله مدابـيح=يسجد لرب البيت خشيه وطـاعه
عـليه من صقر الجزيره ملامـيح=حر (ن) شهر بالجـو زاد ارتـفاعه
ولي عـهد المملكه من طحاطيح=اسـياد عـز وحـافـظـين الـوداعـه
مثل الجبل معروف ماهـزته ريـح=عنده على الشدات صبر ومناعـه
هـتّـان كـفّـه مثـل مزنن مـراويـح=يـفرق على غيـره بـشـبره وبـاعه
من شـبته ضاري على هبّة الريح=كـل المراجـل حـاشـها في ذراعه
من روس حكّـام ٍ كـرام و زحـازيـح=عـدوّهم لـه عندهـم ســم سـاعـه
وعداد مـن صلّى وهلل بتـسـبـيح=صلّو عـلى المختار راع الشـفـاعه