مدخل: في قوامها هي هيفاء!!!!!!!!!
بسم الله أبدأ
……….
سر يا قلم والحبر وسط المحبره
والشعر فكره من معاناة الضمير
يجبر عزا الولهان والله يجبره
ويضمد الجرح الندي لو هو غزير
لو هو ورى شط الفرات أبعبره
وأقاوم الامواج بالساق الكسير
لو هي تطول خطاه غصبٍ نقصره
أما تخور قواه وإلا يستخير
باخذ معه مسك القصيد و عنبره
في غمرة الاشواق والسلك الحرير
شعرٍ بلا " هيفا" فلا فيه ثمره
مثل الزهور اليانعات بلا عبير
سلامتك خيرٍ علينا و خيره
وانا احمد الله يوم تممها بخير
أنتِ عمار القلب والله يعمره
وأنتِ غناة الروح يالحب الكبير
وأنتِ تراك الميمنه والميسره
وأنتِ ثمار دعاي في الثلث الأخير
أنتِ مع الخفرات عمله نادره
نورٍ ضياه يقدي الشوف الضرير
زرعت لك بأقصى معاليقي شجره
و عروقها عاشت على الضلع القصير
" هيفا"...ترى ما كل حبٍ نقدره
وأنتِ غلاك يعادل الكون المنير
وإلا المشاعر ما عكسها منظره
تصعب تراجمها على القلب الغرير
يا بنت حنا في زمان المقدره
و كلٍ يدور به الزمان المستدير
متحملٍ سيف الزمان و خنجره
واصارع الاخطار في الوقت الخطير
في شفكم أمست عيوني ساهره
كني على ضو القمر جندي خفير
و إن كان به تقصير فأرجو المعذره
دام المحبه غير وانتِ حب غير
قلمي