شبكة رواسي نجد الأدبية - عرض مشاركة واحدة

20-09-2020, 12:55 AM

يقول ابو مشعل الله يرحمه ويرحم اموات المسلمين

مشكور يا راع الوفا والجمايل = وجزاك ربي يابراهيم بالخير
ولا هان راسك ياجميل الخصايل = دايم مجمّل مايجي منك تقصير
تشيل حملٍ ما تشيله حمايل = عوايدك بالوقت الأول والاخير
وفي مدح مثلك يقصرن المثايل = نادر زمانك يازبون المخاسير
من لابةٍ تثبت نهار الهوايل = تاريخهم مثبوت ماهوب اساطير
بني تميم اهل السيوف الصقايل = ومع الكرم قولة هلا للمسايير
ومن دون قاصر في جميع القبايل = بني تميم من الطنخ شانهم غير

عبدالله الصقري ,ناصر الهواوي ,الجووهره معجبون بهذا