وطن .. تكفى طلبتك.لاتبات وخاطرك مكسور=ترى كل القلوب تبات .... من ضيقتك مكسوره
فلا طابت لنا عيشه .... ولا نعرف هنا وسرور=تقول ان البشر .... بهمومها والذنب ، محشوره
بلادي ...... لوتطيح الدمعه الي منك مثل النور=غدت كل البشر و الكون ... شوفن يفتقد نوره
ولايحْزنْك يـَ بْلادي ..... حقود وخاينٍ.مأجوور=خساسٍ في ثياب الخزي ..... والاحقاد مقبوره
خبيث..وشانئن ....... ابتر كلابٍ ذيلها مبتور=بلينا في خنازير النجس ...... وكلاب مسعوره
تهنى ياوطن ....... والله مايلحقك ضيم وجور=عيالك تارد احياض الهلاك .... وتشرب بحوره
نجي ... كلن يضمك في خفوقه . والحنايا سور=فَدَتك الروح ... واحداق النظر.والخافق وسوره
وطن : لوضاق صدرك يكنسي لون الفرح ديجور=ترا حتى السما والشمس .. في عشقتك مأسوره
وطن : حتى الصغير الي رُبيْته .... ماعليه قصور=حزين . وفي قفص صدره . خفوقن مات عصفوره
ولو شافت عيون االخاينين ارضك ..صحاري بور=رمالك يا بلادي ....... في خفوقي..تبر منثوره
نحبك : كثر ذرات الرمال ... و مسكها منثور=ولو تقسى علينا .... قسوتك والذنب .. مغفوره
رجالٍ بالوفا .... تسقي ثراك . ودمها مهدور=اسودك...والحرار...افعولها..بعداك مخبوره
وطن... ياموطن الهادي محمد عاشقك معذور=قلوب الخلق ..... لوما تَعْشَقَك ماهي بمعذوره
وطنا ... ياسحاب الطهر واشرف دار بين الدور=وتاج المجد وكفوف الكرم.... والفخر وسطوره
تشرفتي بطيبه .... والكتاب ... وبيته المعمور=عزيزه يا بلادي ....... بالهدى والخير معموره
وطنا يالعزيز ...... ابشر بعزك خاينك مدحور=نصف ارواحنا دونك ..... سيوف عيال اخو نوره
فديتك .. لا تضيق بهرج خبل ن فاسد ن مخمور=فساد البيضه العفنه ..... ولو ماهي بمكسوره
تمحزم بالفشل ...... ويدور الفتنه يبيها تثور=تِكهن برج عقربها ..... وصدق زورها.ثوره
وطنا ........ لايهمك من يقاد بربطة الحنجور=ذليلن : لوحلقنا شاربه ......... ما همنا شوره
ملكنا : يافنا الطامع .... وعزوة شعبك المخبور=رحيمن بالرعيه .......حاكمٍن تفخر به عصوره
ترا لك في قلوب الشعب ....... حب بالحشا محفور=وميثاقٍ وبيعة ........ بالوفا والدم ،،، مصهوره
ابن عبد العزيز : الشـامخ الي ... مارضى بالجور=كَسَر بالعزم زند المستحيل ....... وجته مجبوره
موحد : ديرة التوحيد ...... جامع عقدها المنثور=مطَوِّع كل عاصيْ ....... صيرميِّ:ن، وافي شبوره
الا يا قبلة الايمان ،،،،،،، عيش وخاطرك مسرور=ترى كل الدِّما ........ لعيون بسمتك مهدوره